Live Updates

اشرافیہ نے ملک کو مفتوحاعوام کو غلام سمجھ لیا ہے، آفاق احمد

یہ پیٹرول کی قیمت میں اضافہ نہیں، ہمیں ذندہ چھوڑنے کا خراج لیا جارہا ہے جب تک فارم 47والے اسمبلی میں موجود ہیں عوام پر اسہی طرح ظلم ہوتا رہے گا

جمعہ 3 اپریل 2026 22:20

کراچی (اُردو پوائنٹ اخبارتازہ ترین - این این آئی۔ 03 اپریل2026ء) چیئر مین آفاق احمد نے پیٹرول اور ڈیزل کی قیمت میں حالیہ اضافے کو عوام دشمن قرار دیتے ہوئے اس کی شدید مذمت کی ہے۔ آفاق احمد نے کہا کہ جب تک عدلیہ،بیروکریسی اور حکومت اپنی شاہانہ مراعات سے دستبردار نہیں ہوتی اور افواج پاکستان اپنے غیر دفاعی بجٹ میں نمایاں کمی نہیں کرتیں غریب عوام پر مہنگائی کا بوجھ ڈالنا ظالمانہ اقدام ہے۔

آفاق احمدنے کہا کہ حکمران اربوں رو پے ہوائی جہاز خرید رہے ہیں،نام نہاد عوامی نمائندے اہنی تنخواہوں میں اضافے کے بل اور اپنی جائیدادیں پوشیدہ رکھنے کے قانون پاس کررہے ہیں ِ،جومہنگائی کی چکی میں پسنے والی عوام کے زخموں پر نمک مرچ چھڑکنے کے مترادف ہے۔آفاق احمد نے کہا کہ ملک کی اس اشرافیہ نے اس ملک کو مفتوحا اور ملک کی عوام کو اپنا غلام سمجھ لیا ہے،یہ پیٹرول کی قیمت میں اضافہ نہیں،اشرافیہ ہمیں زندہ چھوڑنے کا خراج لے رہی ہے، انکے مظالم پر احتجاج نہ کرنا غلامی تسلیم کرنے کے مترادف ہوگا۔

(جاری ہے)

آفاق احمد نے کہا کہ عوام کو فارم 47کے زریعے اسمبلیوں میں پہنچنے والوں سے کوئی نہیں لگانی چاہیے،یہ فارم 47کے زریعے اسمبلیوں میں پہنچنے والے عوام کے نہیں فارم 47بنانے والوں کے وفادار ہیں اور اس اشرفیہ کے مفادات کے محافظ بن چکے ہیں۔ آفاق احمد نے کہا کہ ہم نے اپنے پیاروں کے حلق کانوالہ تک قربان کرکے پاکستان کو اسلئے ایٹمی طاقت بنایا تھا کہ کوئی اس پر حملہ کرنے کی جرات نہ کرسکے لیکن دشمن کو میرے ملک پر حملہ کرنے کی ضرورت ہی نہیں پڑتی اس عیار و مکاراشرافیہ نے اپنی عیاشیوں کے لئے میرا ملک خاموشی سے IMF کو فروخت کردیا ہے، میں حکمرانوں،عدلیہ اور افواج پاکستا ن کے سربراہان سے اپیل کرتا ہوں کہ ایسے اقدامات کو روکنے میں اپنا کردار ادا کریں جو عوام میں مایوسی اور بددلی پروان چڑہارہے ہیں،کیونکہ بگڑتی ہوئی عالمی صورتحال میں عوام نے کسی تبدیلی سے امیدیں وابستہ کرلیں تو یہ عمل شاید ملک کیلئے نیک شگون ثابت نہ ہو۔