جیکب آبادمیں کار سے 78 کلو سے زائد گٹکا برآمد، ایک ملزم گرفتار

اتوار 5 اپریل 2026 19:35

جیکب آباد(اُردو پوائنٹ اخبارتازہ ترین - این این آئی۔ 05 اپریل2026ء) جیکب آبادمیں کار سے 78 کلو سے زائد گٹکا برآمد، ایک ملزم گرفتار۔

(جاری ہے)

تفصیلات کے مطابق جیکب آباد کے صدر تھانہ کی پولیس نے پکٹ نمبر 9 شمبے شاہ کے قریب چیکنگ کے دوران ایک کلٹس کار کو روک کر تلاشی لی، تلاشی کے دوران گاڑی سے بھاری مقدار میں 78 کلو 890 گرام مضر صحت گٹکا برآمد کر کے اسمگلنگ میں ملوث ملزم خیرپور کے رہائشی میر خان لنڈ کو گرفتار کر لیا جبکہ گاڑی کو بھی تحویل میں لے لیا گیا ہے، پولیس کے مطابق ملزم کے خلاف مضر صحت گٹکا ایکٹ کے تحت مقدمہ درج کرلیا گیا ہے۔