پڈعیدن ریلوے اسٹیشن پر مال بردار ٹرین حادثہ کا شکار،دو بوگیا پٹری سے اتر گئی

پیر 6 اپریل 2026 19:40

نوشہروفیروز(اُردو پوائنٹ اخبارتازہ ترین - این این آئی۔ 06 اپریل2026ء) پڈعیدن ریلوے اسٹیشن پر مال بردار ٹرین حادثہ کا شکار،دو بوگیا پٹری سے اتر گئی،اپ ریلوے ٹریک بلاک، کراچی اور پنجاب جانے والی تمام ٹرینوں کو ڈان ریلوے ٹریک سے گزارا گیا،روہڑی سے ریلیف ٹرین نے پہنچ کر کئی گھنٹہ بعد اپ ٹریک کو بحال کیا،مسافروں کو مشکلات کا سامنا۔

(جاری ہے)

تفصیلات کے مطابق پڈعیدن ریلوے اسٹیشن پر مال بردار ٹرین حادثہ کا شکار دو بوگیاں پٹڑی سے اترگئیں جس کے باعث اپ ریلوے ٹریک بلاک ہو گیا اور کراچی جانے والی بزنس ایکسپریس،گرین لائن ایکسپریس، رحمان بابا ایکسپریس کو پڈعیدن اور کراچی سے حویلیاں جانے والی ہزارہ ایکسپریس کو باندھی ریلوے اسٹیشن پر روک دیا گیا تاہم واقع کی اطلاع پر روہڑی سے امدادی ریسکیو ریلیف ٹرین اور کرین کو طلب کرلیا گیا پانچ گھنٹہ کی جدوجہد کے بعد اپ ریلوے ٹریک کو بحال کردیا گیا ٹرین حادثہ کے باعث مختلف ٹرینیں گھنٹوں تاخیر کا شکار ہونے سے مسافروں کو مشکلات کا سامنا کرنا پڑا،تاہم حادثہ کی وجہ معلوم کرنے کے لئے تحقیقات شروع کردی گئی ہے رپورٹ جلد ڈی ایس اور ہیڈکواٹر کو پیش کی جائے گی۔