ہمایو ں خان کا انتقال حقانی خاندان کیلئے بڑا صد مہ ہے‘ جے یو آئی(س)

ہفتہ 11 اپریل 2026 11:18

لاہور(اُردو پوائنٹ اخبارتازہ ترین - این این آئی۔ 11 اپریل2026ء) جمعیت علمائے اسلام (س)لاہور کے امیر و مرکزی سالار مولانا قاری اعظم حسین، امیر مولانا پیر عبدالقدوس نقشبندی، ناظمِ اعلی مولانا ایوب خان، نائب ناظمِ اعلی مولانا طیب عثمانی، ڈپٹی سیکرٹری پیر اکبر ساقی، نائب امیر مولانا صلاح الدین ایوبی، قاری واحد بخش، قاری رحمت اللہ لاشاری، انجینئر خالد ٹیپو، عبد الحمید تونسوی، مولانا محمد ممتاز اور مولانا توقیر عباس سمیت دیگر رہنمائوں نے اپنے مشترکہ بیان میںمولانا اسعد سمیع الحق اور مولانا خزیمہ سمیع الحق کے ماموں ہمایوں خان کے انتقال پر گہرے رنج و غم کا اظہار کیا ہے۔

مرحوم ہمایوں خان نیک سیرت، خوش اخلاق اور انتہائی ملنسار شخصیت کے مالک تھے۔ ان کی وفات سے جمعیت علمائے اسلام (س) ایک مخلص اور فعال رہنما سے محروم ہو گئی ہے۔

(جاری ہے)

ان کی دینی، سیاسی اور سماجی خدمات کو ہمیشہ یاد رکھا جائے گا۔ ان کا انتقال حقانی خاندان کے لیے ایک بہت بڑا صدمہ ہے۔ ہم مرحوم کے تمام لواحقین، اہلِ خانہ اور عقیدت مندوں سے دلی تعزیت کا اظہار کرتے ہیں اور اس غم کی گھڑی میں ان کے ساتھ برابر کے شریک ہیں۔انہوں نے دعا کی کہ اللہ تعالی مرحوم کی مغفرت فرمائے، ان کی قبر کو نور سے بھر دے اور انہیں جنت الفردوس میں اعلی مقام عطا فرمائے، اور پسماندگان کو صبرِ جمیل عطا کرے۔