ط*لیسکو کا بجلی چوروں کیخلاف آپریشن، 2 ملزمان گرفتار، 11 لاکھ کا جرمانہ عائد

۷بجلی چوری میں ملوث عناصر کیخلاف بلا امتیاز کارروائیاں جاری رہیں گی ،کسی سے رعایت نہیں برتی جائیگی: رمضان بٹ

ہفتہ 18 اپریل 2026 22:05

ژ*لاہور (اُردو پوائنٹ اخبارتازہ ترین - آن لائن۔ 18 اپریل2026ء) چیف ایگزیکٹو لیسکو انجینئر محمد رمضان بٹ کی بجلی چوری کے خلاف زیرو ٹالرنس پالیسی کے تحت لیسکو ٹیموں کی کارروائیاں بلا تعطل جاری ہیں۔ اسی سلسلے میں ایس ای قصور سرکل محمد انور وٹو کی زیر نگرانی قصور سرکل کے مختلف علاقوں میں انٹیلیجنس بیسڈ آپریشن کیا گیا۔ ترجمان لیسکو کے مطابق ایکسین چونیاں انجینئر میاں طارق بشیر کی زیر نگرانی الہٰ آباد ویسٹ چونیاں ڈویژن میں ٹیوب ویل کنکشن کے حامل صارف ایم امین بجلی چوری کرتے ہوئے رنگے ہاتھوں پکڑا گیا۔

مذکورہ صارف کا میٹر عدم ادائیگی کی وجہ سے پہلے ہی منقطع کیا جا چکا تھا، تاہم وہ رات کے وقت مین ٹرانسفارمر بشز سے ڈائریکٹ سپلائی لے کر زرعی مقاصد کے لیے پانی حاصل کر رہا تھا۔

(جاری ہے)

لیسکو ٹیم نے فوری کارروائی کرتے ہوئے موقع سے دو بجلی چوروں کو گرفتار کر لیا جبکہ مقدمہ بھی درج کر لیا گیا۔ مزید برآں ٹرانسفارمر کو موقع سے ہٹا دیا گیا، یہ کارروائی ایس ڈی او الہٰ آباد ویسٹ ساجد جاوید کی نگرانی میں مکمل کی گئی۔ ملزمان کو 30,000 یونٹس چارج کرتے ہوئے 11 لاکھ روپے سے زائد کا ڈیٹیکشن بل جاری کر دیا گیا ہے۔ اس موقع پرچیف ایگزیکٹو لیسکو نے واضح کیا کہ بجلی چوری میں ملوث عناصر کے خلاف بلا امتیاز کارروائیاں جاری رہیں گی اور کسی سے رعایت نہیں برتی جائے گی