میکسیکو میں بس حادثہ، 11 افراد ہلاک، متعدد زخمی

ہفتہ 2 مئی 2026 08:21

میکسیکو سٹی (اُردو پوائنٹ اخبارتازہ ترین - اے پی پی۔ 02 مئی2026ء) میکسیکو کی ریاست نایارِت میں ایک سیاحتی بس الٹنے کے نتیجے میں کم از کم 11 افراد ہلاک جبکہ درجنوں زخمی ہو گئے۔شنہوا کے مطابق یہ حادثہ نایارِت کے علاقے اَماتلان دے کاناس کے قریب پیش آیا۔ابتدائی اطلاعات کے مطابق کم از کم 31 افراد زخمی ہوئے تھے۔

(جاری ہے)

بعد ازاں نایارِت کے استغاثہ دفتر نے تصدیق کی کہ 11 افراد جان کی بازی ہار گئے ہیں، جن میں سے 6 موقع پر جبکہ 5 ہسپتال میں دم توڑ گئے۔

ریسکیو ٹیمیں فوری طور پر جائے حادثہ پر پہنچ گئیں اور زخمیوں کو طبی امداد فراہم کی گئی۔نایارِت کے حکام کے مطابق وہ ریاست خالیسکو کے حکام سے رابطے میں ہیں، جہاں سے یہ بس روانہ ہوئی تھی، جبکہ حادثے کی تحقیقات بھی شروع کر دی گئی ہیں۔ریاستی گورنر میگوئل اینخل نوارو نے متاثرہ خاندانوں سے اظہارِ تعزیت کرتے ہوئے زخمیوں کے علاج کے لیے تمام دستیاب وسائل بروئے کار لانے کی ہدایت کی ہے۔

Facebook Twitter Google + Share on Whatsapp

میکسیکو میں بس حادثہ، 11 افراد ہلاک، متعدد زخمی

متعلقہ عنوان :

مزید بین الاقوامی خبریں