روس مشرق وسطیٰ میں بڑے پیمانے پر تباہی پھیلانے والے ہتھیاروں سے پاک زون بنانے کے لیے نئے اقدامات تجویز کر سکتا ہے، روسی مندوب

پیر 4 مئی 2026 08:36

ماسکو (اُردو پوائنٹ اخبارتازہ ترین - اے پی پی۔ 04 مئی2026ء) روس مشرق وسطیٰ میں جوہری اور بڑے پیمانے پر تباہی پھیلانے والے دیگر ہتھیاروں (ڈبلیو ایم ڈی ) سے پاک زون بنانے کے لیے نئے اقدامات تجویز کر سکتا ہے۔ تاس کے مطابق یہ بات ویانا میں بین الاقوامی تنظیموں کے لیے روس کے مستقل نمائندے میخائل الیانوف نے ایک انٹرویو میں کہی۔

(جاری ہے)

انہوں نے کہا کہ مشرق وسطیٰ میں بڑے پیمانے پر تباہی پھیلانے والے ہتھیاروں سے پاک زون بنانے کا آئیڈیا اپنی تکمیل تک بین الاقوامی ایجنڈے پر رہے گا۔

یہ ممکن ہے کہ ضرورت پڑنے پر روس اس معاملے پر نئے اقدامات تجویز کرے۔ روسی سفارت کار نے اس موقع پر اس بات کی نشاندہی کی کہ اسرائیل ایک طرف جوہری عدم پھیلاؤ کے معاہدے (این پی ٹی) میں شامل ہونے کے مطالبے کو سختی سے مسترد کرتا ہے لیکن ساتھ ہی خطے کے دیگر ممالک سے اس معاہدے کی مکمل پاسداری کا مطالبہ کرتا ہے۔