مراکش میں مشقوں میں حصہ لینے والے 2 امریکی فوجی لاپتہ

دونوں اہلکار دوروز قبل لاپتہ ہوئے ،واقعے کی تحقیقات جاری ہیں،بیان

پیر 4 مئی 2026 18:50

رباط(اُردو پوائنٹ اخبارتازہ ترین - این این آئی۔ 04 مئی2026ء) مراکش کے جنوب مغربی علاقے میں فوجی مشق کے دوران امریکا کے 2 فوجی اہلکار لاپتہ ہو گئے۔امریکی افریقی کمان نے بتایا ہے کہ یہ واقعہ شہر تان تان کے قریب کیپ دراع کے تربیتی علاقے میں پیش آیا ہے۔

(جاری ہے)

امریکی فوج کے بیان کے مطابق دونوں اہلکار ہفتے کے روز لاپتہ ہوئے جبکہ واقعے کی تحقیقات جاری ہیں۔امریکا، مراکش اور دیگر شریک ممالک نے مشترکہ طور پر زمینی، فضائی اور بحری وسائل کے ذریعے تلاش اور بچا کی کارروائیاں شروع کر دی ہیں۔ یہ مشق افریکن لائن کہلاتی ہے جو افریقا میں امریکا کی سب سے بڑی سالانہ فوجی مشق ہے۔اس مشق میں مراکش، گھانا، سینیگال اور تیونس سمیت کئی ممالک حصہ لیتے ہیں۔