وائٹ ہائوس کے قریب اہلکاروں پر فائرنگ کرنیوالا شخص جوابی حملے میں زخمی

مشکوک شخص سے اسلحہ بھی برآمد کر لیا گیا، واشنگٹن ڈی سی پولیس واقعے کی تحقیقات کر رہی ہے،حکام

منگل 5 مئی 2026 10:55

واشنگٹن (اُردو پوائنٹ اخبارتازہ ترین - این این آئی۔ 05 مئی2026ء) امریکی سیکرٹ سروس نے کہا ہے کہ اس کے افسران نے وائٹ ہاوس کے قریب ایک مسلح اور مشکوک شخص کا سامنا کیا جس نے سیکرٹ سروس کے اہل کاروں پر فائرنگ کی اور فرار ہو گیا تاہم قانون نافذ کرنے والے ادارے نے اسے گولی مار دی، واقعے کے بعد کچھ وقت کے لیے وائٹ ہاوس میں لاک ڈاون کر دیا گیا۔وائٹ ہاوس کمپلیکس کے اردگرد گشت میں مصروف ایجنٹوں نے ایک مشکوک شخص کو دیکھا جسے سیکرٹ سروس کے ڈپٹی ڈائریکٹر میتھیو کوئن نے مشکوک شخص قرار دیا جس کے پاس آتشیں اسلحہ بھی تھا۔

مشکوک شخص نے فرار ہونے کی کوشش کی تو سیکرٹ سروس کے افسران اس تک پہنچے جس پر اس نے سیکرٹ سروس پر فائرنگ کی جواب میں سیکرٹ سروس نے بھی اس مشکوک شخص پر گولی چلائی جو اسے لگی اور اسے اسپتال پہنچایا گیا۔

(جاری ہے)

میتھیو کوئن نے بتایا کہ واقعے سے کچھ ہی دیر پہلے نائب صدر جے ڈی وینس کی گاڑیوں کا قافلہ اسی علاقے سے گزرا تھا۔ اس بات کا کوئی ثبوت نہیں ملا کہ یہ مشکوک شخص جے ڈی وینس کے قافلے تک پہنچنا چاہتا تھا یا نہیں۔

مشکوک شخص نے قریب کھڑے ایک نوجوان کو مارا لیکن اس نوجوان کو کوئی ایسا زخم نہیں آیا جس سے اس کی زندگی کو خطرہ ہو، اس نوجوان کو بھی اسپتال پہنچایا گیا ہے۔ کوئن نے کہا کہ مشکوک شخص وائٹ ہاس کے احاطے میں نہیں تھا، مشکوک شخص کی یہ سرگرمی کس وجہ سے تھی ہم جلد جان لیں گے۔ مشکوک شخص سے اسلحہ بھی برآمد کر لیا گیا ہے، واشنگٹن ڈی سی پولیس واقعے کی تحقیقات کر رہی ہے۔