سِنرجی ایڈورٹائزنگ مسلسل دوسری مرتبہ’ AFAA بریلیئنس ایوارڈز‘حاصل کرنے والی پاکستان کی پہلی ایجنسی بن گئی

کراچی (اُردو پوائنٹ اخبارتازہ ترین۔ 05 مئی2026ء) سنرجی ایڈورٹائزنگ نے پاکستان کی ایڈورٹائزنگ انڈسٹری کے لیے ایک تاریخی سنگِ میل عبور کیا ہے، اور یہ ملک کی پہلی اور واحد ایجنسی بن گئی ہے جس نے مسلسل دوسرے سال باوقار AFAA  بریلیئنس ایوارڈ  اپنے نام کیا ہے۔یہ اعزاز فوڈ اینڈ بیوریجز  کیٹیگری میں مقامی پاکستانی پیزا  برانڈ چیزیئس (Cheezious)کے لیے اُن کی ”چیزی رائیڈر ٹو دی ریسکیو(Cheezy Rider to the rescue) “کیمپین پر دیا گیا ، جس نے ایجنسی کو علاقائی سطح پر ایک نمایاں تخلیقی قوت کے طور پر مزید مستحکم کر دیا ہے۔

ایشین فیڈریشن آف ایڈورٹائزنگ ایسوسی ایشنز کے زیرِ اہتمام دیے جانے والے بریلیئنس  ایوارڈز کا فیصلہ بین الاقوامی ماہرین پر مشتمل جیوری کرتی ہے اور ان کیمپینز کو سراہا جاتا ہے جو تخلیقی معیار کے ساتھ ساتھ قابلِ پیمائش کاروباری نتائج بھی فراہم کریں۔

(جاری ہے)

  یہ ایوارڈز ایشیا کی سب سے زیادہ مسابقتی انڈسٹری اعزازات میں شمار کیے جاتے ہیں اور ایسے کام کے اعتراف میں دئیے جاتے ہیں  جو صرف آئیڈیاز ہی نہیں بلکہ حقیقی نتائج بھی فراہم کرتا ہے۔

سنرجی گروپ کی مسلسل کامیابی اس بات کی عکاسی کرتی  ہے کہ وہ ایسی اعلیٰ اثر والی کیمپینز پیش کرنے کی مستقل صلاحیت رکھتا ہے جو مؤثر قصہ گوئی کو ڈیٹا پر مبنی کارکردگی کے ساتھ یکجا کرتی ہیں۔ یہ کامیابی ایجنسی کی بڑھتی ہوئی علاقائی مسابقتی حیثیت کو نمایاں کرتی ہے اور عالمی سطح پر پاکستان کی تخلیقی صلاحیتوں کو اجاگر کرنے میں اس کے کردار کو بھی واضح کرتی ہے۔

سِنرجی گروپ کے چیئرمین اور چیف ایگزیکٹو آفیسر،احمد حسین کپاڈیا نے اس سنگِ میل پر اپنے خیالات کا اظہار کرتے ہوئے کہا:”یہ کامیابی ہمارے لیے انتہائی منفرد اہمیت رکھتی ہے۔ تقریباً تین دہائی قبل، جب، سِنرجی گروپ کی بنیاد رکھی گئی تھی، اُس وقت  ہمارے پاس ایک واضح وژن تھا کہ ہمیں کہاں پہنچنا ہے۔ آج پاکستان کی واحد ایجنسی کے طور پر مسلسل دو سال تک AFAA  بریلیئنس ایوارڈ حاصل کرنا ہمارے لیے نہ صرف باعث ِفخر لمحہ ہے بلکہ اُس سفر کی یاد دہانی بھی ہے۔

یہ اعزاز ہماری ٹیم کے نام ہے جن کی لگن اور جذبہ مسلسل حدود عبور کرنے کی ترغیب دیتا ہے، اور یہ پاکستان کی تخلیقی صنعت کی علاقائی سطح پر بڑھتی ہوئی مضبوطی کی بھی عکاسی کرتا ہے۔“

اگرچہ پاکستان نے برسوں سے AFAA   پلیٹ فارم پر اپنی موجودگی برقرار رکھی ہے، تاہم اس نوعیت کی مسلسل کامیابیاں انتہائی کم دیکھنے میں آتی ہیں۔سِنرجی گروپ کی مسلسل پذیرائی اس کی کارکردگی میں تسلسل کو اجاگر کرتی ہے اور اسے ایشیا کی صفِ اول کی ایڈورٹائزنگ ایجنسیوں میں نمایاں مقام دیتی ہے۔ یہ کامیابی عالمی سطح پر پاکستانی تخلیقی کام کی بڑھتی ہوئی پہچان کی نشاندہی کرتی ہے، خصوصاً اُن مارکیٹس میں جہاں مؤثرنتائج اور طویل مدتی اثرات کو معیارِ برتری سمجھا جاتا ہے۔