کراچی، صوبائی وزیر تعلیم سے رکن سندھ اسمبلی روما مشتاق مٹو کی ملاقات کو سراہا

منگل 5 مئی 2026 18:03

کراچی(اُردو پوائنٹ اخبارتازہ ترین - آن لائن۔ 05 مئی2026ء) سندھ اسمبلی کی رکن روما مشتاق مٹو نے صوبائی وزیر تعلیم سردار شاہ سے ملاقات کی، جس میں تعلیمی نصاب سے متعلق اہم امور پر تبادلہ خیال کیا گیا۔ملاقات کے دوران روما مشتاق مٹو نے ہندو مذہب کی کتابوں کو نصاب میں شامل کرنے کے اقدام کو سراہتے ہوئے کہا کہ یہ ایک تاریخی پیش رفت ہے اور پہلی بار دیگر مذاہب کو بھی طلبہ کے نصاب میں جگہ دی گئی ہے۔

انہوں نے اس اقدام کو محکمہ تعلیم کا احسن قدم قرار دیا۔

(جاری ہے)

روما مشتاق مٹو نے تجویز پیش کی کہ جس طرح ہندو کمیونٹی کے لیے مذہبی کتابیں نصاب میں شامل کی گئی ہیں، اسی طرح کرسچن کمیونٹی کے طلبہ کے لیے بھی ان کی مذہبی کتب کو نصاب کا حصہ بنایا جائے تاکہ تمام مذاہب کے طلبہ کو یکساں مواقع میسر آ سکیں۔اس موقع پر وزیر تعلیم سردار شاہ نے یقین دہانی کرائی کہ کرسچن کمیونٹی کے طلبہ کے لیے بھی مذہبی کتابوں کو نصاب میں شامل کرنے کے اقدامات کیے جائیں گے۔ملاقات میں تعلیمی ہم آہنگی اور بین المذاہب احترام کے فروغ پر بھی زور دیا گیا۔