جمعیت علماء اسلام کی کا ل پر 6مئی کو پنجگور میں مکمل شٹرڈاون ہڑتال کی جائے گی، مولانا مفتی مولا بخش

کوئٹہ(اُردو پوائنٹ اخبارتازہ ترین - این این آئی۔ 05 مئی2026ء) پنجگور جمعیت علماء اسلام اور اتحاد المدارس کا مشترکہ اجلاس حکومت کی جانب سے دینی مدارس کے خلاف کاروائی کے رد عمل میں کل بروز بدھ 6 مئی کو پنجگور میں مکمل شٹرڈاؤن ہڑتال اور احتجاجی مظاہرے کا اعلان۔تفصیلات کے مطابق جمعیت علماء اسلام جمعیت طلباء اسلام اور اتحاد المدارس کا مشترکہ اجلاس مدرسہ مرکزی جامع مسجد چتکان میں منعقد ہوا۔

اجلاس کی صدارت مفتی مکران شیخ الحدیث حضرت مولانا مفتی مولابخش نے کی۔ اجلاس میں جمعیت علماء اسلام کے ضلعی کابینہ تحصیل کابینہ سینئر رہنماؤں۔ جمعیت طلباء اسلام کے ضلعی کابینہ اتحاد المدارس کے زمہ داران علماء کرام اور کارکنوں نے بڑی تعداد میں شرکت کی۔ جمعیت علماء اسلام کے ضلعی امیر حافظ محمد اعظم بلوچ۔

(جاری ہے)

جنرل سیکرٹری مولانا عبدالحلیم نے گزشتہ روز کوئٹہ میں جمعیت کے صوبائی مجلس شوری کے اجلاس کی تفصیلات اور فیصلوں سے متعلق تفصیلی بریفنگ دی۔

اجلاس میں اعلان کیا گیا کہ صوبائی جماعت کے کال پر حکومت کی جانب سے دینی مدارس کے خلاف کاروائی کے رد عمل میں کل بروز بدھ 6مئی کو پنجگور میں مکمل شٹرڈاؤن ہڑتال اور احتجاجی مظاہرے کیا جائے گا۔ اس سلسلے میں تمام تیاریوں کو حتمی شکل دیدی گئی احتجاجی مظاہرے کیلئے ریلی صبح 11 بجے مسجد نورالاہی بازار سے روانہ ہوگا اور مختلف شاہراہوں سے گزرتا ہوا بسم اللہ چوک پہنچے گا۔

۔اجلاس سے اتحاد المدارس کے سربراہ اور جمعیت علماء اسلام کے سرپرست اعلی مفتی مکران حضرت مولانا مولابخش، ضلعی امیر حافظ محمد اعظم، جنرل سیکرٹری مولانا عبدالحلیم، خطیب مکران مولانا علی احمد، حاجی عطاء اللہ بلوچ، مولانا عبدالحمید مدنی، مولانا حافظ رشید احمد، قاضی عبدالغفور، تحصیل امیر مولانا مقبول احمد اور دیگر علماء کرام اور سینئر رہنماؤں نے خطاب کیا اور احتجاج کے حوالے سے تجاویز پیش کئے۔

مفتی مکران حضرت مولانا مولابخش اور جمعیت علماء اسلام کے ضلعی امیر حافظ محمد اعظم بلوچ نے اپنے خطاب میں کہا کہ حکومت کی جانب سے دینی مدارس کے خلاف کاروائی ان کی ان کی ذہنی پسطائیت اور اپنے آقاؤں کو خوش کرنے کیلئے پہلا قدم ہے جوکہ کسی صورت کامیاب نہیں ہوگا۔ حکومت کے اس دین دشمن اقدام کی شدید الفاظ میں مذمت کرتے ہیں۔ انہوں نے کہا کہ دہنی مدارس اسلام کے قلعے ہیں ان کو سیل کرنے کا خواب کھبی پورا نہیں ہوگا۔

قائد جمعیت حضرت مولانا فضل الرحمن کے پشت پر لاکھوں طلبائ اور علما کرام کھڑے ہیں جوکہ اپنے قائد کے حکم کے منتظر ہیں مرکزی یا صوبائی جماعت کی جانب سے احتجاج کے حوالے سے جو کال آئیگا اسی کے مطابق اپنا شیڈول ترتیب دیں گے انہوں نے کہا کارکن الرٹ ہونے کے ساتھ ساتھ ہرقسم کے احتجاج کیلئے تیار رہیں۔ انہوں نے عوام الناس سے بھی اپیل کی کہ کل ہونے والے احتجاجی مظاہرے میں شرکت کرکے اپنے دین دوستی کا ثبوت دیں۔