حکومت کا ملک میں پہلی آئی ٹی مردم شماری کرانے کا فیصلہ

نوجوانوں کی ڈیجیٹل مہارتوں کا جامع ڈیٹا جمع کیا جائے گا‘ذرائع

منگل 5 مئی 2026 20:48

حکومت کا ملک میں پہلی آئی ٹی مردم شماری کرانے کا فیصلہ

لاہور(اُردو پوائنٹ اخبارتازہ ترین - این این آئی۔ 05 مئی2026ء) وفاقی حکومت نے ملک میں پہلی آئی ٹی مردم شماری کرانے کا فیصلہ کرلیا۔ ذرائع کے مطابق وزارت آئی ٹی اور ادارہ شماریات کے باہمی اشتراک سے آئی ٹی مردم شماری ہوگی، نوجوانوں کی ڈیجیٹل مہارتوں کا جامع ڈیٹا جمع کیا جائے گا۔

(جاری ہے)

ذرائع وزارت آئی ٹی کے مطابق آئی ٹی ورک فورس کا ملک گیر ریکارڈ مرتب کیا جائے گا، آئی ٹی مردم شماری میں فری لانسرز، ویڈیو ایڈیٹرز اورکال سینٹر ملازمین کا ڈیٹا بھی جمع ہوگا، کال سینٹر ملازمین کی مہارتوں کو بھی کیٹیگرائز کیا جائے گا۔

آئی ٹی مردم شماری سے قابل اعتماد آئی ٹی ڈیٹا پہلی بار دستیاب ہوگا، حکومت کو پالیسی سازی اورپلاننگ میں مدد ملے، آئی ٹی ماہرین کے لئے بیرون ملک کام کے مواقع بہتر ہوں گے۔