بلوچستان اسمبلی ،حکومت ، اپوزیشن کا شیخ زید ہسپتال سے مشینری منتقلی کوشش پر احتجاج ،سیکرٹری صحت سپیکر چیمبر طلب

منگل 5 مئی 2026 20:55

کوئٹہ(اُردو پوائنٹ اخبارتازہ ترین - این این آئی۔ 05 مئی2026ء) بلوچستان اسمبلی کے اجلاس میں حکومت اور اپوزیشن ارکان کا شیخ زید ہسپتال کوئٹہ سے مشینری کی منتقلی کی کوشش پر احتجاج ، اسپیکر نے سیکرٹری صحت کو (آج)بدھ کواپنے چیمبر میں طلب کرلیا ۔

(جاری ہے)

منگل کو بلوچستان اسمبلی کے اجلاس میں صوبائی وزیرعلی مدد جتک نے نقطہ اعتراض پر اظہارخیال کرتے ہوئے کہا کہ اتوار کو محکمہ صحت وا لے شیخ زید اسپتال سریاب سے مشنیری لے جارہے تھے محکمہ صحت والے سریاب کے اسپتالوں کی مشینری اور بیڈ اٹھا کر لے جارہے ہیں اس واقعہ کی تحقیقات کیلئے کمیٹی بنائی جائے۔

انہوں نے کہا کہ ہم اس علاقے کے نمائندے ہیں،اسپتالوں کی مشینری کہاں لیجائی جارہی ہے ۔نیشنل پارٹی کے رکن میر رحمت صالح بلوچ نے کہا کہ شیخ زید اسپتال سریاب سے انجیوگرافی مشین منتقل کرنے نہیں دیں گے ۔جس پر اسپیکر اسمبلی نے سیکرٹری صحت کو بدھ کو اپنے چیمبر میں طلب کرلیا۔