نائب وزیرِاعظم سینیٹر محمد اسحاق ڈار کا قونصلر امور اور پاکستانی شہریوں کے لیے خدمات کی فراہمی کا جائزہ لینے کے لیے اجلاس

منگل 5 مئی 2026 21:20

اسلام آباد (اُردو پوائنٹ اخبارتازہ ترین - اے پی پی۔ 05 مئی2026ء) نائب وزیرِاعظم/وزیرِ خارجہ سینیٹر محمد اسحاق ڈار نے منگل کے روز قونصلر امور اور پاکستانی شہریوں کے لیے خدمات کی فراہمی کا جائزہ لینے کے لیے ایک اجلاس کی صدارت کی۔انہوں نے وزارتِ خارجہ کے مابین باہمی تعاون کو سراہا۔

(جاری ہے)

انہوں نے اس بات پر زور دیا کہ قونصلر خدمات میں مزید سہولتیں فراہم کی جائیں جن میں پاسپورٹس کے بروقت اور مؤثر اجرا کو یقینی بنانا اور اندرونِ ملک و بیرونِ ملک مقیم پاکستانیوں کو بروقت اور مؤثر معاونت فراہم کرنا شامل ہے۔

ترجمان دفتر خارجہ کے مطابق سینیٹر محمد اسحاق ڈار نے عوام خصوصاً اوورسیز پاکستانیوں کی بہتر خدمت کے لیے سادہ، مربوط اور شہری مرکز نظام وضع کرنے کی ضرورت پر بھی زور دیا۔اجلاس میں وزیرِ داخلہ محسن نقوی، سیکرٹری خارجہ سفیر آمنہ بلوچ، سیکرٹری داخلہ اور وزارتِ خارجہ و داخلہ کے دیگر اعلیٰ حکام نے شرکت کی۔