دنیا کے بہترین ایئرپورٹ لائونجزفہرست سامنے آ گئی

پورٹ لینڈ انٹرنیشنل ایئرپورٹ کے ایسکیپ لائونج نے گلوبل لائونج آف دی ایئر کا اعزاز حاصل کر لیا

بدھ 6 مئی 2026 17:50

دنیا کے بہترین ایئرپورٹ لائونجزفہرست سامنے آ گئی

کراچی(اُردو پوائنٹ اخبارتازہ ترین - این این آئی۔ 06 مئی2026ء) دنیا کے معروف ایئرپورٹ لائونج ایکسیس پروگرام پرائیوریٹی پاس نے دنیا کے بہترین ایئرپورٹ لائونجز کی فہرست جاری کر دی ہے۔رواں سال شمالی امریکا کے پورٹ لینڈ انٹرنیشنل ایئرپورٹ کے ایسکیپ لائونج نے گلوبل لانج آف دی ایئر کا اعزاز حاصل کیا۔ یہ فیصلہ 7 لاکھ سے زائد ممبر ریٹنگز اور جائزوں کی بنیاد پر کیا گیا۔

علاقائی لائونجز میں جاپان کے فوکوکا ایئرپورٹ کا Lounge Fukuoka، آسٹریا کے ویانا انٹرنیشنل ایئرپورٹ کا ویانا لائونج، جمیکا کے نارمن مینلی انٹرنیشنل ایئرپورٹ کا کلب کنگسٹن اور جنوبی افریقا کے جوہانسبرگ میں ٹیمبو انٹرنیشنل ایئرپورٹ کے بڈویسٹ پریمیئر لائونج شامل ہیں۔پرائیوریٹی پاس ایکسیلینس ایوارڈز میں لائونجز کو کئی معیاروں پر جانچا جاتا ہے، جن میں سہولیات کا معیار، کسٹمر سروس، کھانے پینے کی دستیابی، آرام دہ ماحول شامل ہے۔

(جاری ہے)

پورٹ لینڈ ایئرپورٹ کا ایسکیپ لائونج اس لیے نمایاں رہا کیونکہ اس نے جدید ڈیزائن کو پورٹ لینڈ کی تخلیقی شناخت کے ساتھ جوڑا ہے۔ یہاں مقامی کھانے اور مشروبات، علاقائی آرٹ ورک، اور مقامی مواد سے تیار کردہ ڈیزائن شامل ہے۔اس کے علاوہ کینساس سٹی انٹرنیشنل ایئرپورٹ (MCI) کے ایسکیپ لائونج کو انتہائی قابل تعریف قرار دیا گیا۔ ہانگ کانگ انٹرنیشنل ایئرپورٹ (HKG) کا کایرہ لائونج اوراٹلی کے کیٹانیا فونٹاناروسا ایئرپورٹ کا وی آئی پی لائونج اینجلو ڈی اریگو بھی نمایاں رہے۔

یورپ میں ویانا انٹرنیشنل ایئرپورٹ کا ویانا لائوجن پہلے نمبر پر آیا جبکہ برطانیہ کے جرسی ایئرپورٹ کا نمبر ون لائونج قابلِ ذکر رہا۔ جبکہ برازیل کے ویراکوپس انٹرنیشنل ایئرپورٹ کا ایڈوانٹیج وی آئی پی لائونج نمایاں قرار پایا۔اس سال پہلی بار One to Watch کیٹیگری بھی متعارف کرائی گئی، جس کا مقصد ان لانجز کو تسلیم کرنا ہے جنہوں نے گزشتہ 12 ماہ میں نمایاں بہتری دکھائی۔کولنزِن انٹرنیشنل کے سی ای او کرسٹوفر ایونز نے کہا کہ پریمیم سفری تجربات کی طلب تاریخی سطح پر ہے، اور کامیاب لانجز وہ ہیں جو مقامی شناخت، معیار اور سہولت کو یکجا کرتے ہیں۔