Live Updates

مذاکرات حساس مرحلے میں داخل، امریکہ کی 14 نکاتی امن تجاویز کا جائزہ لے رہے ہیں، ایران کی تصدیق

ایرانی حکام اس وقت ان تجاویز کا باریک بینی سے جائزہ لے رہے ہیں تاکہ ملکی مفادات کو مدنظر رکھتے ہوئے حتمی فیصلہ کیا جا سکے؛ ترجمان ایرانی وزارت خارجہ اسماعیل بقائی کی امریکی ٹی وی سے گفتگو

ساجد علی بدھ 6 مئی 2026 15:50

مذاکرات حساس مرحلے میں داخل، امریکہ کی 14 نکاتی امن تجاویز کا جائزہ ..

تہران (اُردو پوائنٹ اخبارتازہ ترین۔ 06 مئی2026ء) ایرانی وزارتِ خارجہ نے امریکہ کے ساتھ جاری حالیہ مذاکرات کے حوالے سے اہم ترین بیان جاری کرتے ہوئے تصدیق کی ہے کہ دونوں ممالک کے درمیان معاملات ایک فیصلہ کن موڑ پر پہنچ چکے ہیں۔ اطلاعات کے مطابق ایرانی وزارتِ خارجہ کے ترجمان اسماعیل بقائی نے انکشاف کیا ہے کہ ایران اور امریکہ کے درمیان دشمنی کے خاتمے کے لیے جاری بات چیت اب اپنے حساس ترین مرحلے میں داخل ہو گئی ہے۔

امریکی ٹی وی سی این بی سی کو دیئے گئے ایک خصوصی انٹرویو میں اسماعیل بقائی نے بتایا کہ واشنگٹن کی جانب سے ایران کو ایک جامع "14 نکاتی امن پیکج" پیش کیا گیا ہے، جس کا مقصد خطے میں جاری کشیدگی کا خاتمہ ہے، ایرانی حکام اس وقت ان تجاویز کا باریک بینی سے جائزہ لے رہے ہیں تاکہ ملکی مفادات کو مدنظر رکھتے ہوئے حتمی فیصلہ کیا جا سکے، مذاکرات اب اس نہج پر ہیں جہاں کسی بھی فیصلے کے دور رس اثرات مرتب ہوں گے۔

(جاری ہے)

سی‌ان‌بی‌سی آمریکا از قول اسماعیل بقائی، سخنگوی وزارت خارجه جمهوری‌اسلامی گزارش داده تهران در حال «ارزیابی» پیشنهاد صلح ۱۴ بندی ارائه‌شده از سوی واشنگتن است. اسماعیل بقایی، پیش‌تر نیز تأیید کرده بود که پاسخ آمریکا به طرح پیشنهادی تهران از طریق میانجی‌ها دریافت شده و در حال بررسی…
— اتاق خبر منوتو (@ManotoNews) May 6, 2026

یاد رہے کہ ایرانی دفترِ خارجہ کا یہ بیان ایک ایسے وقت میں سامنے آیا ہے جب عالمی میڈیا بشمول Axios نے دعویٰ کیا ہے کہ فریقین ایک مختصر مدتی معاہدے کے انتہائی قریب پہنچ چکے ہیں، اگر ایران ان 14 نکات پر رضامندی ظاہر کر دیتا ہے، تو اس سے نا صرف مشرقِ وسطیٰ میں جنگ کے بادل چھٹ جائیں گے بلکہ ایران پر عائد معاشی پابندیوں میں نرمی کا امکان ہے، آبنائے ہرمز میں بحری جہاز رانی مکمل طور پر بحال ہو جائے گی، دونوں ممالک کے درمیان دہائیوں سے جاری سرد جنگ کے خاتمے کی راہ ہموار ہوگی۔