ٹیکنو نے پاکستان میں 7000mAh بیٹری اور مضبوط ڈیزائن کی نمایاں خصوصیات کیساتھ SPARK 50 متعارف کرا دیا

بدھ 6 مئی 2026 16:48

لاہور (اُردو پوائنٹ اخبارتازہ ترین۔ 06 مئی2026ء) ٹیکنو (TECNO) نے پاکستان میں اپنا نیا اسمارٹ فون SPARK 50 متعارف کرا دیا ہے، جو طویل دورانیے کی بیٹری، مضبوط ساخت اور قابل اعتماد کنیکٹیویٹی کو مدنظر رکھتے ہوئے تیار کیا گیا ہے۔ مناسب قیمت کی حامل اس ڈیوائس میں 7000mAh کیبیٹری، 120Hzکا ڈسپلے اور جدید ڈیزائن شامل ہے، جو روزمرہ استعمال کے لیے موزوں ہے۔

SPARK 50 میں7000mAhکی طاقتور بیٹری دی گئی ہے، جو AI اسمارٹ چارجنگ ٹیکنالوجی کے ذریعے بہتر کارکردگی اور طویل عرصے کی بیٹری ہیلتھ کو یقینی بناتی ہے۔ 1200 تک چارج سائیکلز اور بائی پاس چارجنگ ٹیکنالوجی کے ساتھ یہ فون زیادہ استعمال کے دوران حرارت کو قابو میں رکھتے ہوئے مزید بہتر کارکردگی فراہم کرتا ہے۔ کمپنی کے مطابق، یہ ڈیوائس 44 گھنٹے تک واٹس ایپ کالنگ اور 29 گھنٹے تک یوٹیوب پلے بیک کی سہولت فراہم کرسکتی ہے۔

(جاری ہے)

پائیداری کے لحاظ سے اسمارٹ فون SGS فائیو اسٹار ڈراپ ریزسٹنس سرٹیفکیشن اور IP64 ڈسٹ و اسپلش ریزسٹنس کے ساتھ آتا ہے، جو روزمرہ استعمال میں بہتر تحفظ فراہم کرتا ہے۔ کنیکٹیویٹی کو مزید بہتر بنانے کے لیے Advanced Antenna Optimisation اور AI پر مبنی call noise cancellation شامل کیاگیا ہے، جس سے گفتگو مزید واضح ہو جاتی ہے۔

ڈیوائس میں 6.78 انچ کا120 Hzڈسپلے دیا گیا ہے اور یہ MediaTek Helio G81 پروسیسر سے لیس ہے، جس کے ساتھ 6GB + 12GB Extended RAM جبکہ128 GBکی اسٹوریج دستیاب ہے۔

کیمرہ سیٹ اپ میں50MP کا Rear Camera اور8MP کا فرنٹ کیمرہ شامل ہے، جن میں AI امیجنگ فیچرز بھی موجود ہیں۔

TECNO SPARK 50کی پاکستان میں تعارفی قیمت 43,999 روپے مقرر کی گئی ہے اور پی ٹی اے سے منظورشدہ یہ ڈیوائس ملک بھر میں 12+1 مہینے کی وارنٹی کے ساتھ دستیاب ہے۔