نائب وزیراعظم سینیٹر محمد اسحاق ڈار کی زیر صدارت اجلاس، اضافی کفایت شعاری اقدامات کا جائزہ لیا گیا

بدھ 6 مئی 2026 19:20

اسلام آباد (اُردو پوائنٹ اخبارتازہ ترین - اے پی پی۔ 06 مئی2026ء) نائب وزیراعظم و وزیر خارجہ سینیٹر محمد اسحاق ڈار کی زیر صدارت Committee for Monitoring and Implementation of Conservation and Additional Austerity Measures کا اجلاس بدھ کو یہاں منعقد ہوا۔ نائب وزیراعظم کے آفس سے جاری بیان کے مطابق نائب وزیر اعظم نے حکومت کی طرف سے پہلے اعلان کردہ کفایت شعاری کے مختلف اقدامات کی موجودہ صورتحال کا جائزہ لیا۔

(جاری ہے)

انہوں نے اس کہا کہ چونکہ ایندھن کی بین الاقوامی قیمتیں اب بھی بہت زیادہ ہیں اس لیے حکومت سمیت ہر کسی کا قومی فرض ہے کہ کفایت شعاری کے اقدامات پر صحیح معنوں میں عمل کیا جائے۔ انہوں نے کہا کہ انتہائی اہم اور فوری نوعیت کے کاموں کے لیے جو ان اقدامات سے متاثر ہوتے ہیں کوCabinet Committee for Monitoring and Implementation of Conservation and Additional Austerity Measures کے اقدامات کے لیے زیر غور لایا جا سکتا ہے تاکہ حکومت کے ضروری کاموں پر سمجھوتہ نہ ہو۔ اجلاس میں وزرائے پٹرولیم، انفارمیشن ٹیکنالوجی و ٹیلی کام، موسمیاتی تبدیلی، وزیر مملکت برائے خزانہ، سیکریٹریز کابینہ، اسٹیبلشمنٹ، کامرس، پٹرولیم، ثقافت اور ورثہ سمیت دیگر متعلقہ فریقین نے شرکت کی۔