سرکے چنر‘ تنازع، نورا فتحی کو نیشنل کمیشن فار ویمن کا طلبی نوٹس

جمعرات 7 مئی 2026 18:07

ممبئی (اُردو پوائنٹ اخبارتازہ ترین - آن لائن۔ 07 مئی2026ء) بالی ووڈ اداکارہ نو را فتحی ایک بار پھر تنازع کی زد میں آ گئیں، جب بھارت کے نیشنل کمیشن فار وویمن (این سی ڈبلیو) نے فلم کے ڈی دی ڈیول کے گانے ’’سرکے چنر‘‘ کے معاملے پر انہیں طلب کر لیا۔بھارتی میڈیا رپورٹس کے مطابق این سی ڈبلیو نے اداکارہ کو پیش ہونے کی ہدایت کی ہے۔ اس سے قبل بھی کمیشن نے انہیں طلب کیا تھا، تاہم نورا فتحی نے بیرونِ ملک ہونے کے باعث نئی تاریخ کی درخواست کی تھی۔

(جاری ہے)

یہ تنازع رواں برس مارچ میں اس وقت شروع ہوا جب ’’سرکے چنر‘‘ کا ہندی ورڑن ریلیز کیا گیا۔ سوشل میڈیا پر متعدد صارفین نے گانے کے بولوں کو نامناسب اور خواتین کے لیے توہین آمیز قرار دیتے ہوئے شدید تنقید کی۔ گانے میں خواتین کی پیشکش اور مواد کے مقصد پر بھی سوالات اٹھائے گئے۔ اداکارہ نے اس معاملے پر مؤقف اختیار کیا تھا کہ انہوں نے صرف گانے کے کنڑ ورڑن کی شوٹنگ کی تھی، جبکہ ہندی ورڑن میں ان کی اجازت کے بغیر تبدیلیاں کی گئیں۔ اداکارہ نے فلم سازوں پر مصنوعی ذہانت سے تیار کردہ تصاویر استعمال کرنے کا الزام بھی عائد کیا۔