چوہدری لطیف اکبر کی زیر صدارت یونیورسٹی ا ٓف کوٹلی آزاد جموں وکشمیر کا اٹھائیسواں سینٹ اجلاس

جمعرات 7 مئی 2026 22:47

اسلام آباد(اُردو پوائنٹ اخبارتازہ ترین - این این آئی۔ 07 مئی2026ء) قائمقام صدر آزاد جموں و کشمیر و چانسلر آزاد جموں وکشمیر یونیورسٹیز چوہدری لطیف اکبر کی زیر صدارت یونیورسٹی ا ٓف کوٹلی آزاد جموں وکشمیر کا اٹھائیسواں سینٹ اجلاس ایوان صدر کشمیر ہائوس اسلام آباد میں منعقد ہوا۔ اس موقع پر سینٹ اجلاس میں وائس چانسلر یونیورسٹی آف کوٹلی آزاد جموں وکشمیر پروفیسر ڈاکٹر محمد زکریا ذاکر،سابق جج سپریم کورٹ آف آزاد جموں وکشمیر جسٹس محمد یونس طاہر، سابق ممبر کشمیر کونسل و سابق صدارتی مشیر چوہدری محمد محبوب ایڈووکیٹ،سیکرٹری صدارتی امور محمد شاہد ایوب،سیکرٹری ہائیر ایجوکیشن آزاد حکومت ریاست جموں وکشمیر محمد یونس میر، ڈائریکٹر ہائیر ایجوکیشن کمیشن آف پاکستان سید نوید حسین شاہ، رجسٹرار یونیورسٹی آف کوٹلی پروفیسر ڈاکٹر فہیم غضنفر اور دیگر نے شرکت کی۔

(جاری ہے)

سینٹ اجلاس میں وائس چانسلر یونیورسٹی ا ٓف کوٹلی آزاد جموں وکشمیر پروفیسر ڈاکٹر زکریا ذاکر نے قائمقام صدر آزاد جموں و کشمیر و چانسلر آزاد جموں وکشمیر یونیورسٹیز چوہدری لطیف اکبر اور سینٹ کے دیگر ممبران کو جامعہ کوٹلی کے حوالے سے تفصیلی بریفنگ دی اور جامعہ کوٹلی کو درپیش مسائل سے بھی سینٹ اجلاس کے شرکاء کو آگاہ کیا۔ اس موقع پر قائمقام صدر آزادجموں وکشمیر و چانسلر آزادجموں وکشمیر یونیورسٹیز چوہدری لطیف اکبر نے وائس چانسلر یونیورسٹی آف کوٹلی پروفیسر ڈاکٹرزکریا ذاکر کو ہدایت کی کہ جامعہ کوٹلی میں آرٹیفشل انٹیلجنس (AI)اور کلائیمیٹ چینج کے شعبہ جات قائم کرنے کے لئے بھی فوری اقدامات کیے جائیں تاکہ جامعہ کوٹلی جدید تقاضوں سے ہم آہنگ کرنے میں مدد مل سکے اور اس سلسلے میںاعلیٰ تعلیم کے فروغ کے لئے کوئی دقیقہ فروگزاشت نہ رکھی جائے اور قائمقام صدر آزاد جموں وکشمیر و چانسلر آزاد جموں وکشمیر یونیورسٹیز چوہدری لطیف اکبر نے وائس چانسلر یونیورسٹی آف کوٹلی پروفیسر ڈاکٹرزکریا ذاکر کو اپنے بھرپور تعاون کا بھی یقین دلایا۔