سرگودھا پولیس کی جانب سے نمازِِ جمعہ کے موقع پر مساجد اور امام بارگاہوں کی سکیورٹی کے فول پروف انتظامات

ہفتہ 9 مئی 2026 00:00

سرگودھا (اُردو پوائنٹ اخبارتازہ ترین - اے پی پی۔ 08 مئی2026ء) سرگودھا پولیس کی جانب سے نمازِِ جمعہ کے موقع پر مساجد اور امام بارگاہوں کی سکیورٹی کے فول پروف انتظامات کئے گئے۔ ڈسٹرکٹ پولیس آفیسرسرگودھا محمد صہیب اشرف کی ہدایت پر ضلع بھر میں پولیس الرٹ رہی ۔امن و امان برقرار رکھنے کے لیے اہم مساجد اور امام بارگاہوں پر بھاری نفری تعینات کی گئی۔

فول پروف سیکورٹی کے لیے 500 سے زائد مسلح پولیس افسران اور جوانوں نے سکیورٹی کے فرائض انجام دیے۔ اس کے علاوہ شہر کے حساس علاقوں میں ایلیٹ فورس کے دستوں نے مسلسل گشت کیا اور مشکوک افراد کی چیکنگ کی۔ علاوہ ازیں مساجد اور مسیحی عبادت گاہوں کے داخلی اور خارجی راستوں پر واک تھرو گیٹس اور میٹل ڈیٹیکٹرز کا استعمال بھی کیا گیا۔

(جاری ہے)

ڈی ایس پی ٹریفک سرگودھا محمد سعید گورسی نے شہر میں ٹریفک کی روانی بحال رکھنے کے لیے ٹریفک پولیس کی ٹیمیں تشکیل دے کر فیلڈ میں متحرک رکھا۔

جمعہ کے روز شہریوں کی سہولت کے لیے مساجد اور امام بارگاہوں کے باہر پارکنگ کے الگ مقامات مختص کئے گئے تھے جہاں سی سی ٹی وی کمیرے نصب کیے گئے تاکہ مشکوک افراد پر کڑی نظر رکھی جا سکے۔ ڈسٹرکٹ پولیس آفیسرمحمد صہیب اشرف، ایس پی سیف سٹی عامر ذوالفقار اور ایس پی انویسٹی گیشن عمران چدھڑ تمام سیکورٹی انتظامات کی نگرانی کرتے رہے تاکہ کسی بھی ناگہانی صورت حال سے نمٹا جا سکے۔