حکومتِ وقت فوری طور پر اس المناک واقعہ میں ملوث عناصر کو گرفتار کرکے قرار واقعی سزا دے

جمعہ 8 مئی 2026 23:58

کوئٹہ (اُردو پوائنٹ اخبارتازہ ترین - آن لائن۔ 08 مئی2026ء) شیخ الحدیث مولانا محمد ادریس صاحب کی شہادت انتہائی افسوسناک اور قابلِ مذمت واقعہ ہے۔

(جاری ہے)

علمائے کرام انبیا کے وارث ہیں اور ان پر حملہ دراصل دینی اقدار، امن و استحکام پر حملہ ہے خطیب جامع مسجد ابوبکر صدیق رضی اللہ عنہ اسحاق آباد مولانا مفتی محمد ایوب انصاری نے اپنے جاری کردہ اخباری بیان میں کہا کہ حکومتِ وقت فوری طور پر اس المناک واقعہ میں ملوث عناصر کو گرفتار کرکے قرار واقعی سزا دے تاکہ عوام میں پائی جانے والی تشویش اور بے چینی کا خاتمہ ہوسکے۔

انہوں نے کہا کہ ایسے واقعات ملک میں بدامنی پھیلانے اور دینی طبقے کو خوفزدہ کرنے کی مذموم کوشش ہیں، جس کی جتنی بھی مذمت کی جائے کم ہے۔ انہوں نے مرحوم کے اہلِ خانہ، متعلقین اور تمام شاگردوں سے دلی تعزیت و ہمدردی کا اظہار کرتے ہوئے دعا کی کہ اللہ تعالی شیخ الحدیث مولانا محمد ادریس صاحب شہید کی کامل مغفرت فرمائے، درجات بلند فرمائے اور پسماندگان کو صبرِ جمیل عطا فرمائے۔