امریکا، سیاحتی کشتی میں دھماکے کے بعد بھگدڑ سی11افراد زخمی

دھماکا ممکنہ طور پر گیس لیکیج کے باعث ہوا،کشی میں موجود شخص کا دعویٰ

اتوار 10 مئی 2026 12:20

واشنگٹن (اُردو پوائنٹ اخبارتازہ ترین - این این آئی۔ 10 مئی2026ء) امریکی ریاست فلوریڈا کے ساحلی علاقے میں ایک سیاحتی کشتی میں مبینہ دھماکے کے بعد خوف و ہراس پھیل گیا واقعے میں کم از کم 11 افراد زخمی ہو گئے۔

(جاری ہے)

میامی فائر ڈپارٹمنٹ کے مطابق دوپہر 12 بج کر 48 منٹ پر ہالوور سینڈبار کے قریب ایک ممکنہ کشتی دھماکے کی اطلاع موصول ہوئی جس کے بعد امدادی ٹیمیں فوری طور پر موقع پر پہنچ گئیں۔

واقعے کے بعد امریکی کوسٹ گارڈ اور فلوریڈا فش اینڈ وائلڈ فائر کنزرویشن کمیشن نے بھی ریسکیو آپریشن میں حصہ لیا۔امدادی حکام کے مطابق زخمی ہونے والے 11 افراد کو فوری طور پر قریبی اسپتالوں میں منتقل کیا گیا تاہم حکام نے اب تک دھماکے کی حتمی وجہ ظاہر نہیں کی۔کشتی میں موجود ایک شخص نے دعوی کیا کہ دھماکا ممکنہ طور پر گیس لیکیج کے باعث ہوا۔