فلم اسٹار تھلاپتی وجے نے تامل ناڈو کے وزیر اعلی کا حلف اٹھا لیا

جوزف وجے نے اپنے فلمی کیریئر کے عروج پر سیاست میں آنے کا اعلان کیا تھا،رپورٹ

اتوار 10 مئی 2026 12:20

چنئی(اُردو پوائنٹ اخبارتازہ ترین - این این آئی۔ 10 مئی2026ء) بھارتی فلم انڈسٹری کے معروف سابق اداکار جوزف وجے نے بھارتی ریاست تامل ناڈو کے وزیراعلی کے عہدے کا حلف اٹھا لیا۔بھارتی میڈیا رپورٹس کے مطابق حلف برداری کی تقریب چنئی کے نہرو اسٹیڈیم میں منعقد ہوئی جہاں نومنتخب وزیراعلی اپنے عہدے کا باضابطہ حلف اٹھایا۔

(جاری ہے)

جوزف وجے کی جماعت ٹی وی کے نے ریاستی انتخابات میں غیرمعمولی کامیابی حاصل کرتے ہوئے 234 میں سے 108 نشستیں جیتیں اور سب سے بڑی جماعت بن کر سامنے آئی۔

اگرچہ حکومت بنانے کے لیے 118 نشستیں درکار تھیں، تاہم کانگریس، سی پی آئی، سی پی ایم، انڈین یونین مسلم لیگ اور دیگر اتحادی جماعتوں کی حمایت سے وجے کو اکثریت حاصل ہوگئی۔یاد رہے کہ جوزف وجے نے اپنے فلمی کیریئر کے عروج پر سیاست میں آنے کا اعلان کیا تھا۔ انہوں نے نہ صرف فلم انڈسٹری کو خیرباد کہا بلکہ نوجوانوں، بے روزگاری، بدعنوانی اور سماجی مسائل پر مسلسل آواز اٹھاتے رہے۔ 2019 میں انہوں نے بھارتی شہریت ترمیمی قانون پر بھی تنقید کی تھی۔