ٌفردوس جمال نے کبھی یہ نہیں سیکھا کہ بعض اوقات خاموش رہنا بھی ضروری ہوتا ہے‘ اورنگزیب لغاری

اتوار 10 مئی 2026 17:45

لاہور (اُردو پوائنٹ اخبارتازہ ترین - آن لائن۔ 10 مئی2026ء) پاکستان کے سینئر اداکار اورنگزیب لغاری نے سینئر اداکار فردوس جمال کے بارے میں ایک دلچسپ اور چونکا دینے والا بیان دے دیا۔اورنگزیب لغاری نے پاکستان ڈرامہ اور فلم انڈسٹری میں 6 دہائیوں سے زائد عرصہ گزارا ہے، انہوں نے حالیہ گفتگو میں فردوس جمال کے حوالے سے بات کی ہے۔

(جاری ہے)

انہوں نے کہا کہ لوگ فردوس جمال کو صحیح طرح سمجھ نہیں پائے، میں انہیں پاگل کہتا ہوں اور دنیا بھی یہی کہتی ہے، لیکن حقیقت یہ ہے کہ وہ زیادہ تر مواقع پر درست ہوتے ہیں۔

اورنگزیب لغاری کے مطابق فردوس جمال ہمیشہ اپنے ساتھی فنکاروں سے اختلاف اور جھگڑوں میں پڑ جاتے تھے، لیکن 90 فیصد مواقع پر ان کا مؤقف درست ہوتا تھا۔انہوں نے مزید کہا کہ فردوس جمال نے کبھی یہ نہیں سیکھا کہ بعض اوقات خاموش رہنا بھی ضروری ہوتا ہے، ہر بات پر لڑنا انسان کی شہرت کو متاثر کرتا ہے اور یہی وجہ ہے کہ آج ان کی ایک مشکل شخصیت کے طور پر پہچان بن چکی ہے۔واضح رہے کہ اورنگزیب لغاری اور فردوس جمال نے ماضی کے مقبول ڈرامے وارث میں ایک ساتھ کام کیا تھا۔