Live Updates

ایرانی ردعمل کے بعد گراہم کا فریڈم پلس منصوبہ شروع کرنے کا مطالبہ

ٹرمپ کی مسئلے کے سفارتی حل کے لیے کی جانے والی سنجیدہ کوششوں کو قدر کی نگاہ سے دیکھتے ہیں،بیان

پیر 11 مئی 2026 16:15

واشنگٹن(اُردو پوائنٹ اخبارتازہ ترین - این این آئی۔ 11 مئی2026ء) امریکی سینیٹر لنڈسے گراہم نے ایران کے ساتھ معاملہ کرنے کے طریقہ کار میں تبدیلی کا مطالبہ کیا ہے اور کہا ہے کہ امریکی تجویز پر ایران کے حالیہ ناقابل قبول ردعمل کے بعد پروجیکٹ فریڈم پلس اس وقت ایک مناسب آپشن دکھائی دیتا ہے۔

(جاری ہے)

انہوں نے کہا کہ صدر ڈونلڈ ٹرمپ کی سفارتی حل کے لیے کی جانے والی سنجیدہ کوششوں کو وہ قدر کی نگاہ سے دیکھتے ہیں، جن کا مقصد ایرانی حکومت کے رویے میں تبدیلی لانا ہے۔

گراہم کے مطابق بین الاقوامی بحری راستوں پر حملے، مشرق وسطی میں امریکہ کے اتحادیوں کے خلاف کارروائیاں اور ایران کا حالیہ ردعمل اس بات کی ضرورت ظاہر کرتا ہے کہ موجودہ حکمت عملی پر دوبارہ غور کیا جائے۔انہوں نے مزید کہا کہ موجودہ صورتحال میں پروجیکٹ فریڈم پلس ایک موزوں اور قابلِ غور آپشن بن چکا ہے۔