سندھ کے مختلف تعلیمی بورڈز کے چیئرمینوں کی تعیناتی کا نوٹیفکیشن جاری

منگل 12 مئی 2026 14:35

کراچی (اُردو پوائنٹ اخبارتازہ ترین - اے پی پی۔ 12 مئی2026ء) محکمہ جامعات و بورڈز سندھ نے مختلف تعلیمی بورڈز میں چیئرمینوں کی تعیناتی کا نوٹیفکیشن جاری کر دیا ہے۔منگل کو جاری نوٹیفکیشن کے مطابق ڈاکٹر آصف علی میمن کو چیئرمین تعلیمی بورڈ حیدرآباد کا اضافی چارج سونپ دیا گیا ہے۔

(جاری ہے)

ڈاکٹر آصف علی میمن چیئرمین تعلیمی بورڈ شہید بینظیر آباد کے ساتھ حیدرآباد بورڈ کی ذمہ داریاں بھی نبھائیں گے۔ مشرف علی راجپوت چیئرمین سیکنڈری ایجوکیشن بورڈ کراچی مقرر کیا گیا ہے۔ مشرف علی راجپوت کو چیئرمین سندھ ٹیکنیکل بورڈ کے ساتھ ساتھ میٹرک بورڈ کراچی کا اضافی چارج دیا گیا ہے۔