ڈاکٹرطارق فضل چوہدری کا لکی مروت دھماکے میں جانی نقصان پر افسوس کا اظہار

منگل 12 مئی 2026 14:35

اسلام آباد (اُردو پوائنٹ اخبارتازہ ترین - اے پی پی۔ 12 مئی2026ء) وفاقی وزیر پارلیمانی امور ڈاکٹر طارق فضل چوہدری نےلکی مروت کے علاقے سرائے نورنگ بازار میں ہونے والے افسوسناک دھماکے کی شدید الفاظ میں مذمت کرتے ہوئے معصوم شہریوں کی جانوں کے ضیاع پر گہرے دکھ اور افسوس کا اظہار کیا ہے ۔ منگل کو سماجی رابطہ کی ویب سائٹ ایکس پر اپنے ایک مذمتی بیان میں انہوں نے کہا کہ قیمتی انسانی جانو ں سے کھیلنے والے عناصر کسی رعایت کے مستحق نہیں۔

(جاری ہے)

دہشتگردی کے ایسے بزدلانہ واقعات قوم کے حوصلے پست نہیں کر سکتے۔اس المناک سانحے میں قیمتی جانوں کے ضیاع پر دلی رنج و غم ہے۔ شہدا کے اہل خانہ کے ساتھ اظہارِ تعزیت کرتا ہوں اور اللہ تعالیٰ سے دعا ہے کہ مرحومین کو جنت الفردوس میں اعلیٰ مقام عطا فرمائے،زخمیوں کو جلد مکمل صحت یاب کرے اور سوگوار خاندانوں کو صبرِ جمیل عطا فرمائے۔انہوں نے کہا کہ پاکستان کے امن کو سبوتاژ کرنے کی ہر سازش کو ناکام بنانا ہوگا۔ پوری قوم دہشتگردی کے خلاف متحد ہے۔