کاروباری افراد کو درپیش مسائل کا ترجیحی بنیادوں پر تدارک حکومت پنجاب کی اولین ترجیح ہے، معظم اقبال

منگل 12 مئی 2026 16:33

لاہور (اُردو پوائنٹ اخبارتازہ ترین - اے پی پی۔ 12 مئی2026ء) پنجاب ریونیو اتھارٹی اور ایوان صنعت و تجارت سیالکوٹ کے ممبران کا بذریعہ ویڈیو لنک اجلاس ہوا۔ٹیکس نظام میں بہتری اور کاروباری برادری کو سہولیات کی فراہمی پر تفصیلی تبادلہ خیال کیا گیا۔ ترجمان محکمہ صنعت کے مطابق چیئرمین پی آر اے معظم اقبال سپرا نے سیالکوٹ کی صنعتوں اور برآمدکنندگان کو درپیش ٹیکس مسائل سنے۔

صدر سیالکوٹ چیمبر آف کامرس اور دیگر ممبران نے ٹیکس ادائیگی کے نظام کو مزید آسان بنانے کی تجاویز دیں۔

(جاری ہے)

چیئرمین پنجاب ریونیو اتھارٹی نے کاروباری برادری کے مسائل ترجیحی بنیادوں پر حل کرنے کی یقین دہانی کروائی۔ ان کا کہنا تھا کہ کاروباری افراد کو درپیش مسائل کا ترجیحی بنیادوں پر تدارک حکومت پنجاب کی اولین ترجیح ہے۔ ٹیکس نیٹ میں اضافہ کرنے کیلئے صدر چیمبر آف کامرس نے پنجاب ریونیو اتھارٹی سے مکمل تعاون کی یقین دہانی بھی کروائی۔

چیئرمین پی آر اے نے واضح کیا کہ ملکی معیشت کے استحکام اور برآمدات کے فروغ کیلئے مشترکہ تعاون ناگزیر ہے۔ ممبر لیگل، کمشنر پی آر اے گوجرانولہ اور ڈائریکٹر پالیسی بھی موجود تھے۔سیالکوٹ چیمبر اور پنجاب ریونیو اتھارٹی کے درمیان رابطوں کو مزید موثر بنانے پر بھی اتفاق کیا گیا۔