ملک بھر میں سونے کی قیمت میں 1,000 روپے اضافہ ریکارڈ

جمعرات 14 مئی 2026 17:50

ملک بھر میں سونے کی قیمت میں 1,000 روپے اضافہ ریکارڈ
اسلام آباد (اُردو پوائنٹ اخبارتازہ ترین - اے پی پی۔ 14 مئی2026ء) ملک بھر میں سونے کی قیمت 1,000 روپے اضافے کے ساتھ فی تولہ سونا 4 لاکھ 92 ہزار 3 سو 62 روپے کا ہوگیا ۔آل پاکستان جیمز اینڈ جیولرز ایسوسی ایشن کے مطابق جمعرات کو سونے کی فی تولہ قیمت 1,000 روپے اضافے کے بعد فی تولہ سونا 4 لاکھ 92 ہزار 3 سو 62 روپے کا ہوگیا ۔

(جاری ہے)

24 قیراط سونے کے 10 گرام کی قیمت بھی 858 روپے اضافے کے بعد 421,263 روپے سے بڑھ کر 422,121 روپے ہوگئی جبکہ 10 گرام 22 قیراط سونے کی قیمت 386,171 روپے سے بڑھ کر 386,958 روپے ہوگئی۔

آل سندھ صرافہ جیولرز ایسوسی ایشن نے رپورٹ کیا کہ فی تولہ چاندی کی قیمت 65 روپے اضافے کے بعد 9,204 اور دس گرام چاندی کی قیمت 55 روپے اضافے کے بعد 7,890 روپے ہو گئی۔ ایسوسی ایشن نے رپورٹ کیا ہے کہ بین الاقوامی مارکیٹ میں سونے کی قیمت 4,690 ڈالر سے بڑھ کر 4,700 ڈالر ہو گئی۔