ویرات کوہلی پوسٹ لائک تنازع،جرمن ماڈل لزلاز کا دھماکا خیز انکشاف

منگل 12 مئی 2026 22:23

برلن (اُردو پوائنٹ اخبارتازہ ترین - این این آئی۔ 12 مئی2026ء) جرمن ماڈل، انفلوئینسر اور گلوکارہ لزلاز نے دعویٰ کیا ہے کہ بھارتی کرکٹ اسٹار ویرات کوہلی سے متعلق حالیہ سوشل میڈیا تنازع کے بعد بعض صحافیوں نے انہیں کرکٹر کے خلاف منفی اور جھوٹی باتیں کرنے کے لیے پیسے کی پیشکش کی۔

(جاری ہے)

یہ تنازع اس وقت شروع ہوا تھا جب ویرات کوہلی کے انسٹاگرام اکانٹ سے لزلاز کی ایک پوسٹ کو لائک کیا گیا جس کے بعد یہ معاملہ سوشل میڈیا پر بحث کا مرکز بن گیا۔

بین الاقوامی میڈیا رپورٹس کے مطابق ایک انٹرویو کے دوران لزلاز نے انکشاف کیا کہ مجھ سے مختلف میڈیا اداروں کی جانب سے رابطہ کیا گیا اور کوہلی کے خلاف غلط الزامات لگانے کے بدلے رقم دینے کی پیشکش بھی کی گئی لیکن میں نے اس پیشکش کو سختی سے مسترد کر دیا۔انہوں نے کہا کہ ویرات کوہلی میرے پسندیدہ کرکٹر ہیں اور میں کسی بھی صورت محض پیسے یا شہرت کے لیے کرکٹر کی ساکھ کو نقصان نہیں پہنچائوں گی۔