ٴْسابقہ انتظامیہ نے ٹی 20 ورلڈ کپ کے مسئلے کو درست ہینڈل نہیں کیا ‘ سربراہ بنگلادیش کرکٹ بورڈ

منگل 12 مئی 2026 21:48

ڈھاکا (اُردو پوائنٹ اخبارتازہ ترین - آن لائن۔ 12 مئی2026ء) بنگلہ دیش کرکٹ بورڈ کی ایڈ ہاک کمیٹی کے سربراہ تمیم اقبال نے کہا ہیکہ سابقہ بورڈ انتظامیہ نے ٹی ٹوئنٹی ورلڈکپ کے مسئلے کو جس انداز میں لیا وہ درست نہیں تھا۔ بھارتی میڈیا کو انٹرویو دیتے ہوئے تمیم اقبال نے کہا کہ ٹی ٹوئنٹی ورلڈ کپ کا ایشو جب ہوا تو میں سب سے پہلے بولا تھا، بی سی بی کی سابقہ انتظامیہ نے اس ایشو کو جیسے بھی لیا وہ درست نہیں تھا، آئی سی سی نے نرمی دکھائی، حل نکلانے کی راہ موجود تھی، ہمیں حل تلاش کرنا چاہیے تھا۔

سربراہ بنگلادیش کرکٹ بورڈ نیکہا کہ ہم نے ورلڈکپ ڈائیلاگ کے بغیر جانے دیا، ہو سکتا ہے کہ اس ورلڈ کپ اسکواڈ کے کھلاڑیوں کو دوبارہ ورلڈکپ کھیلنے کا موقع نہ ملے، مجھے یہ سب اچھا نہیں لگا۔

(جاری ہے)

ان کا کا کہنا تھا کہ بھارتی بورڈ کے صدر متھن منہاس کے ساتھ میں نے بہت کرکٹ کھیلی ہے، بھارتی بورڈ اور بی سی بی کے درمیان اب کوئی مسئلہ نہیں ہے، سکیورٹی کا بھی ایشو نہیں ہے، بھارتی ٹیم کے لیے کبھی خطرہ نہیں رہا، بھارتی ٹیم جب بھی آتی ہے، اسٹیڈیم پیک ہوتے ہیں، بنگلادیش انڈیا سیریز بہت اچھی ہو گی۔

پاکستان کی جانب سے یکجہتی کے طور پر ورلڈکپ کے بائیکاٹ کے سوال پر تمیم اقبال نے تبصرہ کرنے سے گریز کرتے ہوئے کہا کہ میں اس گروپ کا حصہ نہیں تھا اس لیے تبصرہ نہیں کر سکتا، مگر جو کچھ بھی ہوا ہم نے ورلڈ کپ کھیلنے کا موقع ضائع کر دیا۔