پاکستان کرکٹ بورڈ کے زیرِ اہتمام کراچی میں ویمنز انڈر 19 سکلز اینڈ فٹنس کیمپ جاری

کراچی (اُردو پوائنٹ اخبارتازہ ترین - این این آئی۔ 12 مئی2026ء) پاکستان کرکٹ بورڈکے زیرِ اہتمام کراچی میں ویمنز انڈر 19 سکلز اینڈ فٹنس کیمپ جاری ہے، جس میں 30 باصلاحیت کھلاڑیاں حصہ لے رہی ہیں۔ کیمپ کا مقصد نوجوان کھلاڑیوں کی فنی صلاحیتوں، جسمانی فٹنس اور مجموعی کھیل کے معیار کو بہتر بنانا ہے۔ذرائع کے مطابق انڈر 19 سکلز اینڈ فٹنس کیمپ 23 مئی تک کراچی میں جاری رہے گا، جہاں کھلاڑیاں کوچز کی نگرانی میں بیٹنگ، بولنگ، فیلڈنگ اور فٹنس سے متعلق خصوصی ٹریننگ سیشنز میں حصہ لے رہی ہیں۔

کیمپ کے دوران کھلاڑیوں کی تکنیکی خامیوں کو دور کرنے اور انہیں جدید کرکٹ تقاضوں سے ہم آہنگ کرنے پر خصوصی توجہ دی جارہی ہے۔کیمپ کے دوران اوول گرانڈ کراچی میں فلڈ لائٹس کے تحت پریکٹس میچ کا بھی انعقاد کیا گیا، جس میں انڈر 19 کھلاڑیوں نے بھرپور جوش و جذبے کے ساتھ حصہ لیا۔

(جاری ہے)

کوچنگ اسٹاف نے میچ کے دوران کھلاڑیوں کی کارکردگی کا تفصیلی جائزہ لیا اور انہیں مختلف شعبوں میں رہنمائی فراہم کی۔

کیمپ میں شریک نمایاں کھلاڑیوں میں الزوہہ حماد، عنایہ خان، اقصی حبیب، عریقہ فاطمہ، اریشہ انصاری، عائشہ عمران ریاض، بریرہ سیف اور ایشل سیف شامل ہیں۔ اس کے علاوہ فضا فیاض، ہادیہ منہا، افراح مہروز اور کومل خان بھی سکلز اینڈ فٹنس کیمپ میں شریک ہیں۔مہا عباس، ماہم نزاکت، ماہنور اقبال اور ماہنور زیب بھی تربیتی کیمپ کا حصہ ہیں، جبکہ ملائکہ سہانی، ماریہ، میمونہ خالد، نسرین اشرف، پاکیزہ شبیر، راحیمہ سید، روائل فرحان اور روزینہ اکرم بھی کیمپ میں شرکت کررہی ہیں۔

اسی طرح رخسار عارف، سمیہ افسر، شہر بانو، عروج گل، زینب خانم اور ذوفشان ایاز بھی انڈر 19 تربیتی کیمپ میں اپنی صلاحیتوں کا مظاہرہ کررہی ہیں۔کیمپ کے کوچنگ اسٹاف میں محمد مسرور ہیڈ کوچ کے فرائض انجام دے رہے ہیں، جبکہ شعیب خان بیٹنگ کوچ اور نعیم طیب بولنگ کوچ کی ذمہ داریاں سنبھالے ہوئے ہیں۔ جویریہ رف فیلڈنگ کوچ کے طور پر خدمات انجام دے رہی ہیں، جبکہ تیمور محمود سٹرینتھ اینڈ کنڈیشننگ کوچ مقرر ہیں۔

مزید برآں سرکشا شیکر فزیو تھراپسٹ جبکہ ایمان ارباب اینالسٹ کے طور پر کھلاڑیوں کی کارکردگی اور فٹنس کا جائزہ لے رہی ہیں۔پاکستان کرکٹ بورڈ کے مطابق اس نوعیت کے تربیتی کیمپوں کا مقصد خواتین کرکٹ میں نئی ٹیلنٹ کو ابھارنا اور مستقبل کے لیے مضبوط کھلاڑی تیار کرنا ہے تاکہ قومی سطح پر خواتین کرکٹ کو مزید فروغ دیا جاسکے۔