cپنجاب میں خواتین پر تشدد کے اعداد و شمار تشویشناک

cچار ماہ میں ہیلپ لائن 1737 پر 3329 کالز موصول، رپورٹ

بدھ 13 مئی 2026 18:50

cپنجاب میں خواتین پر تشدد کے اعداد و شمار تشویشناک

لاہور (اُردو پوائنٹ اخبارتازہ ترین - آن لائن۔ 13 مئی2026ء) پنجاب میں خواتین کے خلاف تشدد کے تشویشناک اعداد و شمار سامنے آگئے ہیں، جہاں صرف چار ماہ کے دوران ویمن پروٹیکشن ہیلپ لائن 1737 پر 3329 کالز موصول ہوئیں۔

(جاری ہے)

اعداد و شمار کے مطابق 1904 متاثرہ خواتین نے مدد اور تحفظ کے لیے رابطہ کیا، جبکہ نفسیاتی تشدد خواتین کا سب سے بڑا مسئلہ بن کر سامنے آیا ہے۔رپورٹ میں بتایا گیا ہے کہ 573 خواتین نے ذہنی دباؤ اور نفسیاتی تشدد کی شکایات درج کروائیں، 494 خواتین جسمانی تشدد اور 328 خواتین معاشی استحصال کا شکار رہیں۔اس کے علاوہ 190 خواتین نے جنسی تشدد کے خلاف مدد طلب کی ہے۔ حکام کے مطابق متاثرہ خواتین کو قانونی معاونت، تحفظ اور کونسلنگ کی سہولیات فراہم کی جا رہی ہیں۔