ًپی آئی اے افسر لاہور ایئرپورٹ پر پروٹوکول کی آڑ میں شراب کی بوتلیں نکلواتے پکڑا گیا

لله*غیر ملکی پرواز سے مسافر 65 کے قریب اعلیٰ کوالٹی کی شراب ساتھ لے کر آیا جسے افسر نے نکلوانے کی کوشش کی

جمعرات 14 مئی 2026 04:55

^ لاہور (اُردو پوائنٹ اخبارتازہ ترین - آن لائن۔ 14 مئی2026ء) پی آئی اے کا آفیسر علامہ اقبال انٹرنیشنل ایئرپورٹ پر پروٹوکول کی آڑ میں شراب کی بوتلیں نکلواتے پکڑا گیا۔ کسٹمز نے کارروائی کرتے ہوئے بوتلیں قبضہ میں لے لیں، پکڑے جانے والے آفیسر کا انٹری پاس منسوخ کر دیا گیا اور معطل کر کے کارروائی شروع کر دی گئی۔ تفصیلات کے مطابق دو روز قبل اتحاد ایئر لائن سے آنے والا ایک مسافر اپنے ساتھ 65 کے قریب اعلیٰ کوالٹی کی شراب ساتھ لے کر آیا۔

پی آئی اے کے آفیسر صفدر گوندل جو پسنجر سروس آفیسر مع ساتھی آئے اور اس مسافر کو پروٹوکول کی آڑ میں نکلوانے کی کوشش کی مگر کسٹم آفیسر نے سامان کلیئر نہیں کیا اور بوتلیں ضبط کر لیں جس پر مسافر موقع سے فرار ہوگیا، صفدر گوندل اور ساتھی بھی اس دن ایئرپورٹ سے نکل گئے۔

(جاری ہے)

اس حوالے سے کسٹم نے پی آئی اے کے اسٹیشن منیجر کو اطلاع دی جس پر ان کے افسر ایئرپورٹ ڈیوٹی پر آئے تو کارروائی شروع کر دی گئی اور اسٹیشن مینجر نے اس حوالے سے ان کا بیان بھی ریکارڈ کیا۔

اے ایس ایف نے کارروائی شروع کرتے ہوئے ان افراد کا انٹری پاس کینسل، ایئرپورٹ ڈیوٹی سے ہٹانے اور محکمانہ کارروائی کرنے کا کہا ہے۔ پرواز EY 284 ابو ظہبی سے آئی تھی۔ پی آئی اے ترجمان عبداللہ خان کا کہنا ہے کہ متعلقہ آفیسر کو معطل کر دیا گیا ہے اور قانون کے تحت کارروائی بھی شروع کر دی گئی ہے، ملوث ہونے پر قانون کے تحت فوری کارروائی عمل میں لائی جائے گی