جیکب آبادمیں 18ویں آئینی ترمیم، مہنگائی اور سندھ کے وسائل پر قبضے کے خلاف جے یو آئی کا احتجاجی مظاہرہ اور دھرنا

جمعرات 14 مئی 2026 22:26

جیکب آباد(اُردو پوائنٹ اخبارتازہ ترین - این این آئی۔ 14 مئی2026ء) جیکب آبادمیں 18ویں آئینی ترمیم، مہنگائی اور سندھ کے وسائل پر قبضے کے خلاف جے یو آئی کا احتجاجی مظاہرہ اور دھرنا۔

(جاری ہے)

تفصیلات کے مطابق جمعیت علماء اسلام کی جانب سے 18ویں آئینی ترمیم کو چھیڑنے، مہنگائی میں اضافے، پیٹرولیم مصنوعات کی قیمتوں میں مسلسل اضافے اور سندھ کے وسائل پر قبضے کے خلاف ایک احتجاجی ریلی جے یو آئی کے ضلعی دفتر سے نکالی گئی ، ریلی کی قیادت ضلعی امیر ڈاکٹر اے جی انصاری، چاکر خان جکھرانی، واحد بخش انڑ، خیر بخش جتوئی، تاج امروٹی، محمد صدیق جتوئی اور محمد فاروق بروہی کررہے تھے، ریلی شہر کے مختلف راستوں سے گزرتی ہوئی ڈی سی چوک پہنچی جہاں دھرنا دیا گیا، مظاہرین نے بینرز، پلے کارڈز اور پارٹی پرچم اٹھا رکھے تھے اور حکومت کے خلاف شدید نعرے بازی کی ، اس موقع پر مقررین نے خطاب کرتے ہوئے کہا کہ 18ویں آئینی ترمیم کو چھیڑنے کی کوششیں ملک کے لیے نقصان دہ ثابت ہو گی اور نئے صوبے بنانے یا کراچی اور ساحلی علاقوں کو وفاق کے حوالے کرنے کی کسی بھی سازش کو کسی صورت قبول نہیں کیا جائے گا، انہوں نے کہا کہ مہنگائی، پیٹرولیم مصنوعات کی قیمتوں میں مسلسل اضافہ اور عوام کی معاشی مشکلات نے زندگی اجیرن بنا دی ہے ، مقررین نے مزید کہا کہ انڈس ڈیلٹا کو میٹھا پانی نہ دینے، دوہرے بلدیاتی نظام کی کوششوں اور گرین انیشیٹو پروگرام کے تحت زمینوں پر قبضے کی پالیسیوں کے خلاف جدوجہد جاری رہے گی۔