لاہور ہائیکورٹ میں عدالتی نظام کی توسیع، مزید 26نئی عدالتیں فعال ہونے کے قریب

منزلہ نئی عمارت جون کے آخر تک مکمل فعال ہونے کا امکان، ججز پارکنگ، ریکارڈ روم اور کیفے بھی شامل

جمعہ 15 مئی 2026 14:35

لاہور (اُردو پوائنٹ اخبارتازہ ترین - این این آئی۔ 15 مئی2026ء) لاہور ہائیکورٹ میں 42عدالتوں کے بعد مزید 26نئی کورٹس بھی تیاری کے آخری مراحل میں داخل ہو گئی ہیں۔

(جاری ہے)

ذرائع کے مطابق نئی تیار ہونے والی عدالتیں جون کے آخر تک باقاعدہ طور پر فعال کر دی جائیں گی ،نئی 11منزلہ عمارت میں ایک گرائونڈ فلور، 8اپر فلورز اور 2بیسمنٹ شامل ہیں جبکہ دونوں بیسمنٹس ججز کی پارکنگ کے لئے استعمال ہوں گی۔

ذرائع کا کہنا ہے کہ عمارت کے ایک فلور پر کانفرنس روم جبکہ دو فلورز پر جوڈیشل ریکارڈ روم قائم کیے جا رہے ہیں ۔اس کے علاوہ ایک فلور پر ہائیکورٹ ملازمین اور پولیس اہلکاروں کے لئے کیفے بھی بنایا جا رہا ہے۔ذرائع کا کہنا ہے کہ چیف جسٹس لاہور ہائیکورٹ جسٹس مس عالیہ نیلم نئی تعمیر ہونے والی عمارت کا خود بھی جائزہ لے چکی ہیں۔