فلموں کا بننا ضروری، سینما انڈسٹری کی بحالی کیلئے اقدامات کر رہے ہیں‘ عظمیٰ بخاری

پیر 1 جون 2026 21:36

لاہور (اُردو پوائنٹ اخبارتازہ ترین - این این آئی۔ 01 جون2026ء) وزیر اطلاعات و نشریات پنجاب عظمیٰ بخاری نے کہا ہے کہ فلموں کا بننا بہت ضروری ہے، سینما انڈسٹری کی بحالی کے لئے اقدامات کر رہے ہیں۔انہوں نے تقریب سے خطاب کرتے ہوئے کہا کہ فلموں کے ذریعے ملکی مثبت تشخص اجاگر کیا جا سکتا ہے، فلم دیکھنے کی بہت شوقین ہوں لیکن وقت بہت کم ملتا ہے۔

(جاری ہے)

عظمیٰ بخاری نے کہا کہ وزیراعلی پنجاب سینما انڈسٹری کی بہتری کے لئے اقدامات کر رہی ہیں، نوجوان نسل کو ٹچ سکرین سے نکال کر سینما کی طرف لائیں گے۔

وزیر اطلاعات پنجاب نے کہا کہ پاکستان کے ڈرامے پوری دنیا میں مقبول ہیں، ہمیں اچھے ڈراموں کی طرح اچھی فلمیں بھی بنانا ہوں گی، فلم سٹی کے اندر تمام سہولیات فراہم کریں گے۔عظمیٰ بخاری نے کہا کہ نوجوان ہدایت کار فلمی دنیا میں نئی سوچ لے کر آئیں، ڈیجیٹل پلیٹ فارمز نے فلم انڈسٹری کو نئی سمت دی ہے، پنکی پر ڈرامہ بنانے کا اعلان ہوگیا، اچھا ٹاپک تھا اس پر فلم بنتی تھی۔