صوبائی اسمبلی فضل حکیم خان یوسفزئی کافیض آباد سیدو شریف میں خوڑ کی صفائی و کھدائی مہم کا باقاعدہ افتتاح

اتوار 14 جون 2026 18:35

سوات(اُردو پوائنٹ اخبارتازہ ترین - این این آئی۔ 14 جون2026ء) صوبائی اسمبلی فضل حکیم خان یوسفزئی نے فیض آباد سیدو شریف میں خوڑ کی صفائی و کھدائی مہم کا باقاعدہ افتتاح کر دیا۔ اس موقع پر ایم این اے سلیم الرحمن کے پی ایس خلیل احمد، پی ٹی مینگورہ سٹی صدر حیدر علی، چیئرمین ضیا الحق تاجک، چیئرمین حبیب اللہ،پاکستان تحریک انصاف کے کارکنان و عہدیداران اور متعلقہ حکام بھی موجود تھے۔

افتتاح کے موقع پر میڈیا نمائندگان سے گفتگو کرتے ہوئے فضل حکیم خان نے کہا کہ 2015میں جس طرح ایک جامع منصوبہ بندی کے تحت خوڑوں کی صفائی، کھدائی اور مضبوطی پر کام کیا گیا تھا اس بار اس سے بھی زیادہ مثر اور وسیع پیمانے پر اقدامات کیے جائیں گے تاکہ مینگورہ سٹی اور گردونواح کو سیلابی خطرات سے محفوظ بنایا جا سکے۔

(جاری ہے)

انہوں نے کہا کہ گزشتہ سیلاب میں عوام کو جو نقصانات اٹھانے پڑے اس پر ہم سب افسردہ ہیں لہٰذا اس کو مدنظر رکھتے ہوئے خوڑوں کی صفائی اور کھدائی کا کام شروع کیا گیا ہے تاکہ بارشوں اور سیلابی ریلوں کے دوران پانی گھروں اور آبادیوں میں داخل نہ ہو اور پانی کا بہا اپنی قدرتی گزرگاہوں میں بلا رکاوٹ جاری رہے۔

فضل حکیم خان نے کہا کہ اس منصوبے کے پہلے مرحلے (فیز ون) میں خوڑوں کی صفائی اور پانچ فٹ تک کھدائی کی جائے گی جبکہ دوسرے مرحلے (فیز ٹو) میں حفاظتی پشتوں کی تعمیر اور مضبوطی کے کام کو تسلی بخش انداز میں مکمل کیا جائے گا۔ انہوں نے کہا کہ ان اقدامات کا مقصد مینگورہ سٹی کو مستقبل میں ممکنہ سیلابی خطرات سے نمٹنے کے لیے مزید محفوظ بنانا ہے۔

انہوں نے واضح کیا کہ خیبرپختونخوا میں عوام کی حکومت قائم ہے اور عوام کو مکمل حق حاصل ہے کہ ترقیاتی کاموں کی نگرانی کریں۔ اگر کہیں بھی ناقص یا غیر معیاری کام نظر آئے تو اس کی فوری نشاندہی کی جائے، متعلقہ ذمہ داران کے خلاف سخت کارروائی عمل میں لائی جائے گی اور عوامی وسائل کے ضیاع کی کسی کو اجازت نہیں دی جائے گی۔ فضل حکیم خان نے متعلقہ حکام کو ہدایت کی کہ تمام کام معیار، شفافیت اور مقررہ وقت کے مطابق مکمل کیے جائیں تاکہ عوام کو ان منصوبوں کے ثمرات بروقت حاصل ہو سکیں اور شہری آبادی کو ممکنہ سیلابی نقصانات سے محفوظ بنایا جا سکے۔