۵نوشکی ڈویڑن الیکشن، دالبندین سب ڈویڑن کے ملازمین کا چیئرمین کے امیدوار شیر جان محمد حسنی کی حمایت کا اعلان

ٴشیر جان محمد حسنی کا دالبندین کا دورہ؛ ملازمین کے حقوق اور فلاح و بہبود کے تحفظ کے عزم کا اعادہ

اتوار 14 جون 2026 21:25

(دالبندین (آن لائن) چیئرمین امیدوار برائے نوشکی ڈویژن الیکشن 2026 شیر جان محمد حسنی کی انتخابی مہم کے سلسلے میں آج نوشکی ڈویژن کے وفد نے دالبندین سب ڈویژن کا دورہ کیا۔ وفد کی قیادت چیئرمین شیر جان محمد حسنی کر رہے تھے، جبکہ ان کے ہمراہ وائس چیئرمین حاجی نور احمد بلوچ، جوائنٹ سیکریٹری سلیمان خان رودینی، منصور احمد (LS-II)، حاجی سنجر خان، شیخ غلام اللہ اور محمد امین بادینی بھی موجود تھے۔

دورے کے دوران دالبندین سب ڈویژن میں بلا مقابلہ منتخب ہونے والے چیئرمین میر شاہ نواز رئیسانی، وائس چیئرمین حاجی صلاح الدین، جنرل سیکریٹری شاہ ولی عابد، جوائنٹ سیکریٹری نور احمد چنال اور جی ایس او نوشکی سب ڈویژن کے چیئرمین حاجی شاہ فاروق بڑیچ کو ہار پہنا کر مبارکباد پیش کی گئی۔

(جاری ہے)

بعد ازاں دالبندین سب ڈویژن کے تمام ملازمین کا ایک اہم اجلاس منعقد ہوا جس میں نوشکی ڈویژن الیکشن 2026 کے حوالے سے تفصیلی مشاورت کی گئی۔

اجلاس میں ملازمین نے میر شاہ نواز رئیسانی کی قیادت میں متفقہ طور پر چیئرمین امیدوار شیر جان محمد حسنی کی مکمل حمایت کا اعلان کرتے ہوئے نوشکی ڈویژن کی چیئرمین شپ کے لیے انہیں ووٹ دینے کے عزم کا اظہار کیا۔اس موقع پر خطاب کرتے ہوئے شیر جان محمد حسنی نے دالبندین سب ڈویژن کے ملازمین کا شکریہ ادا کیا اور کہا کہ وہ ملازمین کے اعتماد، محبت اور بھرپور حمایت کو اپنے لیے اعزاز اور ذمہ داری سمجھتے ہیں۔ انہوں نے اس عزم کا اعادہ کیا کہ ملازمین کے حقوق، فلاح و بہبود اور مفادات کے تحفظ کے لیے اپنی جدوجہد جاری رکھیں گی