صوبائی وزیر سندھ سید ریاض حسین شاہ شیرازی کی گلگت بلتستان کے نو منتخب وزیراعلیٰ امجد حسین کو مبارکباد

خطے میں نئی صوبائی قیادت قانون کی بالادستی، ترقیاتی منصوبوں کے مؤثر نفاذ اور عوامی مسائل کے حل کو ترجیح دے کر خطے میں پائیدار ترقی کو فروغ دے گی، ریاض شاہ

منگل 7 جولائی 2026 04:05

کراچی (اُردو پوائنٹ اخبارتازہ ترین - این این آئی۔ 07 جولائی2026ء) صوبائی وزیر برائے اوقاف، مذہبی امور، زکوٰة و عشر سندھ سید ریاض حسین شاہ شیرازی نے امجد حسین ایڈووکیٹ کو گلگت بلتستان کے وزیراعلیٰ کے عہدے کا حلف اٹھانے پر دلی مبارکباد پیش کرتے ہوئے ان کے لیے نیک خواہشات کا اظہار کیا ہے۔ اپنے جاری پیغام میں صوبائی وزیر نے کہا کہ انہیں یقین ہے کہ نومنتخب وزیراعلیٰ اپنی قائدانہ صلاحیتوں، سیاسی بصیرت اور عوامی خدمت کے جذبے کے ساتھ گلگت بلتستان میں ترقی، خوشحالی اور عوامی فلاح و بہبود کے لیے مؤثر کردار ادا کریں گے۔

انہوں نے کہا کہ پاکستان پیپیلز پارٹی عوامی خدمت، جمہوری اقدار اور شفاف طرز حکمرانی پر یقین رکھتی ہے۔ انہوں نے امید ظاہر کی کہ خطے میں نئی صوبائی قیادت قانون کی بالادستی، ترقیاتی منصوبوں کے مؤثر نفاذ اور عوامی مسائل کے حل کو ترجیح دے کر خطے میں پائیدار ترقی کو فروغ دے گی۔

(جاری ہے)

سید ریاض حسین شاہ شیرازی نے کہا کہ وفاقی اکائیوں کے درمیان مضبوط روابط، قومی یکجہتی، بین الصوبائی ہم آہنگی اور باہمی تعاون ملکی استحکام کے لیے ناگزیر ہیں۔

انہوں نے امید ظاہر کی کہ امجد حسین ایڈووکیٹ کی قیادت میں گلگت بلتستان امن، ترقی اور خوشحالی کی نئی منازل طے کرے گا۔ انہوں نے کہا کہ گلگت بلتستان میں پاکستان پیپلز پارٹی کی کامیابی شہید ذوالفقار علی بھٹو اور شہید بینظیر بھٹو کی جمہوری جدوجہد اور عوامی خدمت کے وڑن کا تسلسل ہے۔ انہوں نے مزید کہا کہ بلاول بھٹو زرداری کی متحرک قیادت نے پارٹی کو مزید مضبوط بنایا ہے اور عوام کا اٴْن پر پورا اعتماد ہے۔ صوبائی وزیر نے دعا کی کہ اللہ تعالیٰ نومنتخب وزیراعلیٰ کو اپنی ذمہ داریاں احسن انداز میں انجام دینے کی توفیق عطا فرمائے اور گلگت بلتستان کو امن، استحکام اور ترقی کی نئی راہوں پر گامزن کرے۔