دیامر بھاشا ڈیم پراجیکٹ ایریا میں 97 کروڑ 25 لاکھ روپے کی ترقیاتی سکیموں کیلئے مفاہمتی یادداشت پر دستخط

اعتماد سازی کے اقدامات کے طور پر ان سکیموں کا مقصد مقامی لوگوں کی معاشی اور معاشرتی ترقی ہے‘دیامربھاشا ڈیم پراجیکٹ پر مقامی لوگوں کی ترقی کیلئے مجموعی طور پر 78 ارب 50 کروڑ روپے خرچ کئے جارہے ہیں. واپڈا

میاں محمد ندیم جمعرات 9 جولائی 2026 14:29

دیامر بھاشا ڈیم پراجیکٹ ایریا میں 97 کروڑ 25 لاکھ روپے کی ترقیاتی سکیموں ..

لاہور(اردوپوائنٹ اخبارتازہ ترین-انٹرنیشنل پریس ایجنسی۔09 جولائی ۔2026 ) دیامر بھاشا ڈیم پراجیکٹ کے تحت واپڈا کی جانب سے اعتماد سازی کے اقدامات کے طور پر 97 کروڑ 25 لاکھ روپے کی لاگت سے مقامی لوگوں کیلئے مختلف ترقیاتی سکیموں کی تکمیل کیلئے واپڈا اور دیامر کی ضلعی انتظامیہ کے مابین مفاہمتی یادداشت پر دستخط کئے گئے.

(جاری ہے)

ڈائریکٹرجنرل پبلک ریلشنز واپذا کی جانب سے جاری اعلامیے کے مطابقچیف سیکرٹری گلگت بلتستان ارشد مجید کی موجودگی میں جنرل منیجر اور پراجیکٹ ڈائریکٹر دیامر بھاشا ڈیم پراجیکٹ ڈاکٹر انجینئر نزاکت حسین اور ڈپٹی کمشنر دیامر لیفٹیننٹ محمد اویس عباسی(ریٹائرڈ) نے مفاہمتی یادداشت پر دستخط کئے مفاہمتی یادداشت کے مطابق مذکورہ ترقیاتی سکیمیں مقامی لوگوں کی مشاورت کے ساتھ ضلعی انتظامیہ کی نگرانی میں گلگت بلتستان کے متعلقہ محکموں کے ذریعے مکمل کی جائیں گی. ضلعی انتظامیہ، واپڈا اور مقامی لوگوں کے نمائندوں پر مشتمل ایک مشترکہ کمیٹی ترقیاتی سکیموں کے معیار اور ان پر عملدرآمد کی نگرانی کرے گی یہ امر قابل ذکر ہے کہ دیامر بھاشا ڈیم پراجیکٹ پر مقامی لوگوں کیلئے انفراسٹرکچر، تعلیم اور صحت سمیت مختلف شعبوں میں ترقیاتی سکیموں کیلئے مجموعی طور پر 78 ارب 50 کروڑ روپے خرچ کئے جارہے ہیں تھور اور تھک کے دو پن بجلی گھروں اور کیڈٹ کالج چلاس سمیت پراجیکٹ ایریا میں کئی ایک بڑی ترقیاتی سکیمیں پہلے ہی مکمل کی جاچکی ہیں.