عالمی چیمپئن باکسر چائے بیچنے پر مجبور، ویڈیو سامنے آگئی

کوئٹہ کے آغا کلیم کراچی میں مقیم ہیں اور دو بار عالمی چیمپئن، متعدد بار ایشیائی اور بین الاقوامی چیمپئن رہ چکے ہیں

ذیشان مہتاب اتوار 12 جولائی 2026 15:35

عالمی چیمپئن باکسر چائے بیچنے پر مجبور، ویڈیو سامنے آگئی

لاہور (اردو پوائنٹ تازہ ترین اخبار ۔ 12 جولائی 2026ء ) 2 بار کے عالمی چیمپئن کک باکسر آغا کلیم روزگار کے لیے چائے بیچنے پر مجبور ہوگئے۔

آغا کلیم کا کہنا ہے کہ متعدد عالمی اعزازات اور بین الاقوامی مقابلوں میں پاکستان کی نمائندگی کے باوجود انہیں سرکاری یا نجی سطح پر مستقل مالی تعاون اور اسپانسرشپ حاصل نہیں ہو سکی جس کے باعث انہیں اپنی گزر بسر کے لیے چائے کا کاروبار کرنا پڑ رہا ہے۔

کوئٹہ سے تعلق رکھنے والے آغا کلیم کراچی میں مقیم ہیں، وہ 2 بار عالمی چیمپئن، متعدد بار ایشیائی اور بین الاقوامی چیمپئن رہ چکے ہیں اور مختلف عالمی مقابلوں میں پاکستان کے لیے میڈلز جیت کر لاچکے ہیں۔

آغا کلیم کا کہنا ہے کہ کھیل کے میدان میں ملک کا نام روشن کرنے کے باوجود معاشی مشکلات ان کا پیچھا نہیں چھوڑ رہیں، انہوں نے افسوس کا اظہار کرتے ہوئے کہا کہ اگر مناسب سرپرستی اور مالی معاونت میسر آ جائے تو وہ مزید عالمی اعزازات پاکستان کے نام کر سکتے ہیں۔

(جاری ہے)

عالمی چیمپئن باکسر آغا کلیم نے نجی چینل کو دیے گئے ایک پرانے انٹرویو کا کلپ دوبارہ اپنے ایکس اکاونٹ پر شیئر کیا ہے۔

2× World Champion hoon, phir bhi chai ke hotel par mehnat kar raha hoon. Apni mehnat se US apply kiya, lekin appointment event ke baad mili. Shayad mera kasoor sirf itna hai ke main kisi minister ka nahi, ek ghareeb baap ka beta hoon. 😭@CMShehbaz @MaryamNSharif @TararAttaullah pic.twitter.com/QDL15jiPb4
— Agha Kaleem 🇵🇰 | Kickboxer (@AghaKickboxer) July 9, 2026

آغا کلیم نے مالی مشکلات کے باوجود چائے کے اسٹال پر کام جاری رکھا اور اسی دوران بین الاقوامی مقابلوں میں شرکت کرتے ہوئے پاکستان کے لیے کئی اہم کامیابیاں حاصل کیں۔