پشاور، رقم کے تنازعے پر فائرنگ کرکے اقدامِ قتل میں ملوث ملزم گرفتار، پستول برآمد

منگل 14 جولائی 2026 12:51

پشاور (اُردو پوائنٹ اخبارتازہ ترین - اے پی پی۔ 14 جولائی2026ء) تھانہ گلبہار پولیس نے کارروائی کرتے ہوئے رقم کے تنازعے پر فائرنگ کرکے اقدامِ قتل میں ملوث ملزم کوگرفتار کرکے پستول برآمد کر لی۔ تر جمان کیپٹل سٹی پولیس پشاورکے مطابق ایس پی فقیر آباد ڈویژن حمزہ علی بٹ کی ہدایات پر ڈی ایس پی گلبہار سرکل انعام اللہ خان کی نگرانی میں ایس ایچ او تھانہ گلبہار عدنان خان نےکارروائی کرتے ہوئے رقم کے لین دین کے تنازعے پر فائرنگ کرکے مخالفین کو زخمی کرنے میں ملوث ملزم کو گرفتار کر لیا۔

(جاری ہے)

گرفتار ملزم محمد ندیم کو داؤداور محمد حازق نے کاروبار کے لیے رقم دی تھی۔9.7.2026 کو رقم کی واپسی کا مطالبہ کرنے کے دوران تلخ کلامی ہوئی ، جس پر مشتعل ہو کر ملزم نے فائرنگ کر دی، جس کے نتیجے میں دونوں افراد زخمی ہو گئے۔واقعے کے حوالے سے مجروح داؤد کی مدعیت میں مقدمہ درج کرکے تفتیش شروع کر دی گئی۔پولیس نے کارروائی کے دوران ملوث ملزم ندیم کو گرفتار کر لیا۔کارروائی کے دوران ملزم کے قبضے سے آلہ ضرر پستول بھی برآمد کر لیا گیا ہے، جبکہ واقعے سے متعلق مزید تفتیش جاری ہے۔