پاک فوج ، ایف سی بلوچستان اور پولیس کا مشترکہ ’’آپریشن شعبان‘‘ جاری

منگل 14 جولائی 2026 13:08

راولپنڈی (اُردو پوائنٹ اخبارتازہ ترین - اے پی پی۔ 14 جولائی2026ء) پاک فوج ، ایف سی بلوچستان اور پولیس کا مشترکہ ’’آپریشن شعبان‘‘ جاری ہے۔ پانچ جولائی سے اب تک آپریشن شعبان اور دیگر انٹیلی جنس بیسڈ آپریشنز میں مجموعی طور121 خارجی دہشتگرد جہنم واصل ہو چکے ہیں۔سیکیورٹی ذرائع کے مطابق سیکیورٹی فورسزکی فتنہ الخوارج کیخلاف علاقے میں موثر کارروائیاں جاری ہیں۔

(جاری ہے)

سکیورٹی فورسز کی جانب سے خارجیوں کو ہوائی اور زمینی کارروائیوں کے ذریعے نشانہ بنایا جارہا ہے،سیکیورٹی فورسز کی موثر کارروائیوں کے نتیجے میں خارجی دہشتگردوں کو بھاری نقصان کا سامنا ہے،سیکیورٹی فورسز کی موثر کارروائیوں کے دوران مزید 4 دہشتگرد وں کے جہنم واصل ہونے کی مصدقہ اطلاعات ہیں،آپریشن شعبان میں جہنم واصل ہونے والے دہشتگردوں کی مجموعی تعداد 83 ہو گئی ہے، پانچ جولائی سے اب تک آپریشن شعبان اور دیگر انٹیلی جنس بیسڈ آپریشنز میں مجموعی طور121 خارجی دہشتگرد جہنم واصل ہو چکے ہیں۔آخری دہشتگرد کے خاتمے تک بلوچستان میں آپریشن شعبان جاری رہے گا۔