Live Updates

امریکی فوج نے ایران پر نئے حملوں کی 90 منٹ تک جاری رہنے والی لہر مکمل کرلی

آبنائے ہرمز کے قریب اور ایرانی ساحلی علاقوں میں درجنوں فوجی اہداف کو نشانہ بنایا، کاروائیوں کا مقصد آبنائے ہرمز میں حملوں کی ایرانی صلاحیت کو کمزور کرنا تھا، امریکی سینٹرل کمانڈ کا دعویٰ

ثنااللہ ناگرہ جمعرات 16 جولائی 2026 00:05

امریکی فوج نے ایران پر نئے حملوں کی 90 منٹ تک جاری رہنے والی لہر مکمل ..

واشنگٹن (اردوپوائنٹ اخبار تازہ ترین۔ انٹرنیشنل پریس ایجنسی۔ 15 جولائی 2026ء ) ایران پر نئے حملوں کی 90 منٹ تک جاری رہنے والی لہر مکمل کرلی۔ امریکی سینٹرل کمانڈ نے کہا کہ آبنائے ہرمز کے قریب اور ایرانی ساحلی علاقوں میں درجنوں فوجی اہداف کو نشانہ بنایا۔ سینٹکام نے سوشل میڈیا پلیٹ فارم ایکس کے مطابق امریکی سینٹرل کمانڈ کا کہنا ہے کہ امریکی فوج نے ایران پر نئے حملوں کی 90 منٹ تک جاری رہنے والی لہر مکمل کرلی، حملے میں آبنائے ہرمز کے قریب اور ایرانی ساحلی علاقوں میں درجنوں فوجی اہداف کو نشانہ بنایا گیا۔

آپریشن کے دوران گریٹر تنب جزیرے پر واقع ایران کے ساحلی دفاعی نظام، کروز میزائلوں کے ذخائر اور لانچنگ سائٹس کو انتہائی درستگی سے نشانہ بنایا گیا۔ ان حملوں سے ایران کی آبنائے ہرمز میں تجارتی جہازوں کو نشانہ بنانے کی صلاحیت مزید کمزور ہوئی ہے۔

(جاری ہے)

مزید برآں سینٹ کام نے ایران کے سرکاری میڈیا کے دعوے کو مسترد کردیا، ایرانی سرکاری میڈیا کا گندم ذخیرے پر حملے کا دعویٰ بے بنیاد ہے، ہوویزہ میں گندم کے گودا م کو نشانہ بنانے کا دعویٰ غلط ہے،14جولائی کو صرف ایران کے فوجی اہداف کو نشانہ بنایا گیا۔

امریکی سینٹکام کے مطابق ایران آبنائے ہرمز سے گزرنے والے جہازوں اور خلیجی ممالک کو نشانہ بنا رہا ہے۔ بندرعباس ، اہواز، بوشہر، قشم، تنب، خورموج، کوہ اسٹاک میں کاروائیاں کی گئیں، کاروائیوں کا مقصد آبنائے ہرمز میں حملوں کی ایرانی صلاحیت کو کمزور کرنا تھا۔ امریکی محکمہ خزانہ نے انسداد دہشتگردی کے تحت نئی پابندیوں کا اعلان کردیا ہے۔

میڈیا کے مطابق امریکا نے ایران ، روس ، اٹلی اور نائیجریاسے تعلق رکھنے والے 4 افراد پر پابندیاں عائد کردیں۔ پابندیوں کا تعلق ایران کے جوہری و میزائل پھیلاؤ سرگرمیوں سے ہے، ایرانی شہری بہروز نمازی اور اس سے منسلک نیٹ ورک پابندیوں کی فہرست میں شامل ہے، روسی کمپنی ایوراتیک، ایرانی نیکا جیٹ کمپنی، اور نائیجریاکی وینگارڈٹیکنیکل سپلائی بھی پابندیوں میں شامل ہے۔ میکسیکو کے جواریز کارٹیل اور لاس ویاگراس کی پابندیوں سے متعلق نکات اپ ڈیٹ کئے گئے ہیں۔میکسیکن گروپس کو دہشتگرد تنظیموں سے متعلق اضافی درجہ بندی میں بھی شامل کیا گیا ہے۔ پابندیوں کا مقصد دہشتگردی کی معاونت اور حساس ٹیکنالوجی کی ترسیل کو روکنا ہے۔