ملتان شہر کو اربن فلڈنگ سے محفوظ بنانے کے لیے ڈرافٹ ماسٹر پلان تیار کر لیا گیا

ملتان (اُردو پوائنٹ اخبارتازہ ترین - اے پی پی۔ 16 جولائی2026ء) منیجنگ ڈائریکٹر واسا فیصل شوکت نے کہا ہےکہ وزیر اعلیٰ پنجاب مریم نواز شریف کے ویژن کے مطابق پنجاب ڈویلپمنٹ پروگرام کے تحت تاریخی شہر ملتان میں جاری ترقیاتی منصوبوں میں سو فیصد شفافیت، اعلیٰ معیار اور بروقت تکمیل کو یقینی بنایا جا رہا ہے،واسا ملتان نے شہریوں کو جدید اور مؤثر سیوریج نظام کی فراہمی، اربن فلڈنگ کے خاتمے اور نکاسی آب کے دیرینہ مسائل کے مستقل حل کے لیے تاریخی نوعیت کے میگا منصوبوں پر غیر معمولی پیش رفت حاصل کی ہے۔

ان خیالات کا اظہار انہوں نے جمعرات کے روز کوریا انٹر نیشنل کوآپریشن ایجنسی (KOICA) کے اربن فلڈنگ پراجیکٹ کے سلسلے میں کنسلٹنٹس اور ماہرین پر مشتمل وفد سے ملاقات کے دوران گفتگو کرتے ہوئے کیا۔

(جاری ہے)

ایم ڈی واسا نے کہا کہ کوریا کی طرف سے ملتان شہر میں اربن فلڈنگ کے خاتمے کے سلسلے میں تعاون کی بدولت شہریوں کو بڑا ریلیف میسر ہوگا،واسا ملتان اور کوریا انٹرنیشنل کوآپریشن ایجنسی (KOICA) کے درمیان طے پانے والے معاہدے کے تحت ملتان شہر کو اربن فلڈنگ سے محفوظ بنانے کے لیے ڈرافٹ ماسٹر پلان تیار کر لیا گیا ہے،منصوبے کے تحت شہر کے نشیبی علاقوں میں بارش کے پانی کی بروقت نکاسی کے لیے زیرِ زمین واٹر اسٹوریج ٹینکس تعمیر کیے جائیں گے جبکہ اربن فلڈنگ سے نمٹنے کے حوالے سے واسا ملتان کے افسران اور ملاز مین کی کیپسٹی بلڈنگ بھی کی جا رہی ہے۔

انہوں نے مزید کہا کہ ملتان میں جاری پنجاب ڈویلپمنٹ پروگرام صرف تعمیراتی سرگرمیوں کا نام نہیں بلکہ یہ شہری زند گی کے معیار میں بہتری، عوامی وسائل کے مؤثر استعمال اور جدید شہری انفراسٹرکچر کی بنیاد رکھنے کا ایک انقلابی اقدام ہے،واسا ملتان نے محدود وقت میں ترقیاتی منصوبوں کے پہلے فیز میں جس انداز سے 23 کلومیٹر سے زائد نئی سیوریج لائنوں کی تنصیب، بوسیدہ لائنوں کی تبدیلی کا عمل مکمل کیا ہے، اس کی ماضی میں مثال نہیں ملتی۔

انہوں نے بتایا کہ حسین آگاہی، نشتر روڈ، گلگشت کالونی برانڈ روڈ، نوید بریانی سٹریٹ،پیپلز کا لونی، احمد آباد،ٹی بلاک شاہ رکن عالم کالونی، حسن پروانہ روڈ، فضل کریم ٹاؤن، شمس آباد، رحیم آباد، ممتاز آباد، محمد پورہ، سلطان نگر وہاڑی روڈ، بلال نگر، قاسم پور کالونی، بدھلہ روڈ، نو بہار کینال،ابادی نزیر والا، بستی شور کوٹ، ڈیرہ محمدی، بستی نو، جھوک بلو، بستی سیالاں، اور متعدد دیگر علاقوں میں سیوریج منصوبوں کی تکمیل اس امر کا واضح ثبوت ہے کہ ادارہ عوامی خدمت کے مشن پر پوری سنجیدگی اور ذمہ داری کے ساتھ گامزن ہے۔

ایم ڈی واسا نے کہا کہ کڑی جمنداں کے علاقے میں واقع ڈسپوزل اسٹیشن پر زیرِ زمین واٹر اسٹوریج ٹینکس کی تعمیر کا منصوبہ زیرِ غور ہے،اس منصوبے کی تکمیل سے اندرون شہر، شاہین مارکیٹ، سرکلر روڈ، خونی برج، شاہ خرم، دہلی گیٹ اور ملحقہ آبادیوں کو مون سون کے دوران بارش کے پانی کی جلد نکاسی کی صورت میں نمایاں ریلیف حاصل ہوگا،ملتان میں جاری پنجاب ڈویلپمنٹ پروگرام صرف تعمیراتی سرگرمیوں کا نام نہیں بلکہ یہ شہری زندگی کے معیار میں بہتری، عوامی وسائل کے مؤثر استعمال اور جدید شہری انفراسٹرکچر کی بنیاد رکھنے کا ایک انقلابی اقدام ہے،واسا ملتان نے محدود وقت میں ترقیاتی منصوبوں کے پہلے فیز میں جس انداز سے 23 کلومیٹر سے زائد نئی سیوریج لائنوں کی تنصیب، بوسیدہ لائنوں کی تبدیلی کا عمل مکمل کیا ہے، اس کی ماضی میں مثال نہیں ملتی۔

انہوں نے بتایا کہ حسین آگاہی، نشتر روڈ، گلگشت کالونی برانڈ روڈ، نوید بریانی سٹریٹ،پیپلز کالونی، احمد آباد،ٹی بلاک شاہ رکن عالم کالونی، حسن پروانہ روڈ، فضل کریم ٹاؤن، شمس آباد، رحیم آباد، ممتاز آباد، محمد پورہ، سلطان نگر وہاڑی روڈ، بلال نگر، قاسم پور کالونی، بدھلہ روڈ، نو بہار کینال،ابادی نزیر والا، بستی شور کوٹ، ڈیرہ محمدی، بستی نو، جھوک بلو، بستی سیالاں، اور متعدد دیگر علاقوں میں سیوریج منصوبوں کی تکمیل اس امر کا واضح ثبوت ہے کہ ادارہ عوامی خدمت کے مشن پر پوری سنجیدگی اور ذمہ داری کے ساتھ گامزن ہے۔