حمزہ شہبازشریف کی ملتان آمد،مسلم لیگ ن کے رہنماؤں احسان الدین قریشی اور مرید عباس لنگاہ کے انتقال پر اہل خانہ سے اظہار تعزیت

جمعرات 1 اکتوبر 2026 15:05

لاہور (اُردو پوائنٹ اخبارتازہ ترین - اے پی پی۔ 01 اکتوبر2026ء) سابق وزیراعلیٰ پنجاب و پاکستان مسلم لیگ (ن) کے سینئر رہنما ممبر قومی اسمبلی حمزہ شہباز شریف کا ملتان کا دورہ ،سابق صوبائی وزیر مرحوم احسان الدین قریشی اور سابق رکن پنجاب اسمبلی سلطانہ شاہین کے بھائی مرید عباس لنگاہ کے انتقال پر ان کے اہل خانہ سے تعزیت اور فاتحہ خوانی کی۔تفصیلات کے مطابق جمعرات کے روز حمزہ شہباز شریف نے یہاں واپڈا ٹاؤن میں منور احسان الدین قریشی کی رہائش گاہ پر ان کے والد مرحوم احسان الدین قریشی کے انتقال پر اظہار تعزیت کرتے ہوئے مرحوم کے ایصال ثواب کے لیے دعا کی۔

بعد ازاں انہوں نے نواب پور روڈ پر مسلم لیگ (ن) کی سابق رکن پنجاب اسمبلی سلطانہ شاہین کی رہائش گاہ پر ان کے بھائی مرید عباس لنگاہ کے انتقال پر تعزیت کا اظہار کیا اور مرحوم کے لیے دعائے مغفرت کی۔

(جاری ہے)

اس دوران حمزہ شہباز شریف کے ہمراہ وزیر مملکت عبدالرحمن خان کانجو،صوبائی وزیر میاں کاظم علی پیرزادہ، مسلم لیگ (ن) کے ڈویژنل انفارمیشن سیکرٹری سعد خورشید خان کانجو،سابق ممبر قومی اسمبلی عبدالغفار ڈوگر، سابق رکن پنجاب اسمبلی وحید آرائیں،مسلم لیگ (ن) ملتان ڈویژن کے جنرل سیکرٹری طارق رشید،سابق ممبر صوبائی اسمبلی شہزاد مقبول بھٹہ ،ممبر صوبائی اسمبلی سلمان نعیم ،سابق ممبر صوبائی اسمبلی شوکت بوسن ،سابق سینٹر سید جاوید علی شاہ اور سابق ممبر پنجاب اسمبلی ڈاکٹر اختر ملک سمیت مسلم لیگ ن ملتان کے دیگر عہدیدران اور کارکنا ن بھی موجود تھے ۔