/سپریم کورٹ، اعتزاز احسن کی اہلیہ بشری اعتزاز کیخلاف ان لینڈ ریونیو کی اپیلوں کی سماعت رواں ہفتے 7 اگست کو کرے گی

اتوار 2 اگست 2026 17:00

ش اسلام آباد(اُردو پوائنٹ اخبارتازہ ترین - آن لائن۔ 02 اگست2026ء) سپریم کورٹ، اعتزاز احسن کی اہلیہ بشری اعتزاز کیخلاف ان لینڈ ریونیو کی اپیلوں کی سماعت رواں ہفتے 7 اگست کو کرے گی۔جسٹس نعیم افغان کی سربراہی میں تین رکنی بنچ سماعت کرے گا ۔بشری اعتزاز نے اسلام آباد مین واقع گھر کیلئے ٹیکس استثنی مانگا تھا ۔

(جاری ہے)

ریونیو حکام نے بشری اعتزاز کی استثنی حاصل کرنے کی اپیل خارج کر دی تھی حکام کا موقف تھا کہ اسلام آباد والے گھر پر استثنی اعتزاز احسن پہلے ہی حاصل کر چکے ہیں۔بشری اعتزاز کی اپیل پر ان لینڈ ریونیو کا فیصلہ لاہور ہائیکورٹ نے کالعدم قرار دیدیا تھا ۔لاہور ہائیکورٹ فیصلے کیخلاف ان لینڈ ریونیو نے سپریم کورٹ میں اپیل دائر کر رکھی ہے۔